بالقاشقا ۇشاتىن رەيستەر سانى ارتادى
1-ماۋسىمنان باستاپ بالقاشقا ۇشاتىن رەيستەر سانى ارتادى. بالقاشقا سۋبسيديالاناتىن اۋە رەيستەرى 14-شىلدەگە دەيىن ۇزارتىلدى. قازاقستاننىڭ ەكى قالاسىنان - نۇر-سۇلتان جانە الماتىدان ۇشاقتار 2022 -جىلعى 1-مامىردان باستاپ ۇشىپ جاتىر. ق ر ي ي د م ازاماتتىق اۆياتسيا كوميتەتىنىڭ مالىمەتىنشە، اۋە رەيستەرى كۇندىز ورىندالادى. تاسىمالداۋشى - «يۋجنوە نەبو» اۋەكومپانياسى.
ەلورداداعى يمانوۆ كوشەسىندە اقىلى تۇراق ىسكە قوسىلادى
1-ماۋسىمنان باستاپ ەلورداداعى يمانوۆ كوشەسىدە اقىلى كولىك تۇراعى جۇمىس ىستەي باستايدى. بۇل تۋرالى «حابار 24» تەلەارناسىنىڭ ماتەريالىندا ايتىلعان.
ەلوردانىڭ يمانوۆ كوشەسى بويىنداعى تۇراق 2022 -جىلعى 1-ماۋسىمنان باستاپ قالا اكىمدىگىنىڭ قاۋلىسىنا سايكەس اقىلى بولادى. اۆتوتۇراق ماڭىنداعى ءۇي تۇرعىندارى ءۇشىن ايىنا 1500 تەڭگە تۇراتىن رەزيدەنتتىك ابونەمەنت جۇمىس ىستەيدى. قۇجاتتار تىزبەسى جانە رەسىمدەۋ جونىندەگى نۇسقاۋلىق astanapark.kz سايتىنىڭ «رەزيدەنتتەر» بولىمىندە بەرىلگەن. تۇراقتاردى پايدالانۋعا جۇمسالاتىن قاراجاتتى ۇنەمدەۋ ءۇشىن ابونەمەنتتەر قولدانۋعا بولادى. ابونەمەنت يەلەرى قالاداعى بارلىق اقىلى ايماقتا كولىكتەرىن تۇراققا قويا الادى، تىركەۋ جۇيەسى تولەم بار ەكەنىن اۆتوماتتى تۇردە انىقتايدى.
رەسەيلىك پويىزدار پەتروپاۆلعا توقتايدى
1-ماۋسىمنان باستاپ رەسەيلىك پويىزدار پەتروپاۆلعا توقتاپ، جولاۋشىلار الادى. پەتروپاۆلوۆسك NEWS مالىمەتىنشە، رەسەي تەمىر جولدارى كومپانياسى پەتروپاۆل ارقىلى جۇرەتىن جولاۋشىلار پويىزدارىنا بيلەتتەر ساتىلاتىنىن ايتقان.
سونداي-اق، رەسەي تەمىر جولدارى كومپانياسى ەۋرازيالىق ەكونوميكالىق وداققا مۇشە مەملەكەتتەردىڭ (ارمەنيا، بەلارۋس، قازاقستان، قىرعىزستان) ازاماتتارىنا قازاقستاننان رەسەي فەدەراتسياسىنىڭ اۋماعىنا كىرۋ ءۇشىن پ ت ر-تەست قاجەت ەمەس ەكەنىن ايتتى. ال قازاقستانعا رەسەي فەدەراتسياسىنىڭ اۋماعىنان كەلەتىن جولاۋشىلار قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەن كەزدە 72 ساعاتتان كەشىكتىرمەي جاسالعان قازاق، ورىس نەمەسە اعىلشىن تىلدەرىندەگى COVID-19 تەستىنىڭ تەرىس ناتيجەسى بار پ ت ر انىقتاماسىن ۇسىنۋى نەمەسە ەكىنشى كومپونەنتتى العاننان كەيىن 6 ايدان اسپايتىن مەرزىمدە كوروناۆيرۋس ينفەكسياسىنا قارسى ۆاكسيناتسيالاۋ نەمەسە رەۆاكسيناتسيالاۋ تۋرالى قۇجاتىن كورسەتۋى قاجەت.
رەفەرەندۋم وتكىزىلەدى
پرەزيدەنت قاسىم-جومارت توقايەۆ كونستيتۋتسياعا وزگەرتۋلەر مەن تولىقتىرۋلار ەنگىزۋ جونىندە رەفەرەندۋم وتكىزۋدى ۇسىندى. بۇل تۋرالى پرەزيدەنت ق ح ا وتىرىسىندا ايتتى. ال ءماجىلىستىڭ زاڭناما جانە سوت- قۇقىقتىق رەفورما كوميتەتىنىڭ ءتوراعاسى ارمان قوجاحمەتوۆ كونستيتۋتسياعا تۇزەتۋلەر ەنگىزۋ بويىنشا رەفەرەندۋم 5-ماۋسىمدا وتەتىنىن ايتقان ەدى. كەيىنىرەك ورتالىق سايلاۋ كوميسسياسى وكىلى رەسپۋبليكالىق رەفەرەندۋم وتكىزۋ ءتارتىبىن تانىستىرعان بولاتىن.
الماتى- ەرەۆان- الماتى اۋەرەيسى اشىلادى
2-ماۋسىمنان باستاپ الماتى- ەرەۆان- الماتى تىكەلەي اۆيارەيسى اشىلادى. بۇل تۋرالى ق ر پرەزيدەنتى جانىنداعى و ك ق سايتىندا ايتىلعان.
مامىردا قازاقستان ەلشىسى بولات يمانبايەۆ ارمەنيانىڭ اۋماقتىق دامۋ جانە ينفراقۇرىلىم ءمينيسترى گنەل سانوسيانمەن كەزدەسكەن بولاتىن. وسى كەزدەسۋدە ارميان تاراپى 2022 -جىلعى 2-ماۋسىمنان باستاپ FlyArystan اۋەكومپانياسىنىڭ الماتى- ەرەۆان- الماتى باعىتى بويىنشا تىكەلەي تۇراقتى رەيسىن اشۋدىڭ، سونداي- اق، نۇر-سۇلتان- ەرەۆان- نۇر-سۇلتان اۋە قاتىناسىن پىسىقتاۋدىڭ ماڭىزىن ايتتى.
Tengrinews.kz