كاسىپورىن تاراتقان دەرەكتەرگە قاراعاندا، رەسپۋبليكا اۋماعىنىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى كۇن تۇراقسىز بولادى، نايزاعاي ويناپ، داۋىل تۇرادى، جاڭبىر جاۋادى.
رەسپۋبليكانىڭ شىعىسىندا، وڭتۇستىگىندە عانا كۇن جاۋىن- شاشىنسىز بولادى. ق ر بويىنشا جەل كۇشەيەدى.
تۇندە الماتى وبلىسىنىڭ تاۋلى اۋداندارىندا نايزاعاي ويناپ، وڭتۇستىكتە جانە الاكول كولدەرىنىڭ اۋدانىندا جەلدىڭ كۇشى سەكۋندىنا 15-20 مەترگە جەتىپ، ەكپىنى 24-29 مەتر بولادى.
شىعىس قازاقستان وبلىسىنىڭ ورتالىعىندا، شىعىسىندا، وڭتۇستىگىندە 15-20، ەكپىنى 23 م/س جەل سوعادى.
كۇندىز پاۆلودار وبلىسىنىڭ وڭتۇستىك- باتىسىندا نايزاعاي ويناپ، جەل 15-20 م/س- كە دەيىن كۇشەيەدى.
كۇندىز قاراعاندى وبلىسىنىڭ سولتۇستىگىندە، شىعىسىندا نايزاعاي وينايدى، جەل 15-20 م/س- قا دەيىن كۇشەيەدى.
كۇندىز جامبىل وبلىسىنىڭ وڭتۇستىك- باتىسىندا، سولتۇستىگىندە جانە تاۋلى اۋداندارىندا جەل 15-20 م/س- قا دەيىن كۇشەيەدى.
كۇندىز اقتوبە وبلىسىنىڭ وڭتۇستىگىندە نايزاعاي، وبلىستىڭ وڭتۇستىك- باتىسىندا 15-20 م/س جىلدامدىقپەن جەل سوعادى.
كۇندىز اقمولا وبلىسىنىڭ سولتۇستىك- باتىسىندا، شىعىسىندا كۇن كۇركىرەيدى، سولتۇستىگىندە، شىعىسىندا جەلدىڭ جىلدامدىعى 15-20 م/س- قا جەتەدى.
كۇندىز ماڭعىستاۋ وبلىسىنىڭ سولتۇستىك- شىعىسىندا نايزاعاي وينايدى، جەلدىڭ جىلدامدىعى سەكۋندىنا 15-20 مەترگە جەتەدى.
قوستاناي وبلىسىنىڭ باتىسى مەن سولتۇستىگىندە نايزاعاي ويناپ، جەل 15-20 م/س جىلدامدىقپەن سوعادى.
سولتۇستىك قازاقستان وبلىسىنىڭ باتىسى مەن شىعىسىندا جەل 15-20 م/س جىلدامدىقپەن ۇيتقيدى.
اتىراۋ وبلىسىنىڭ شىعىسىندا، وڭتۇستىگىندە جەل 15-20 م/س جىلدامدىقپەن سوعادى، كۇندىز باتىس قازاقستان وبلىسىنىڭ وڭتۇستىگىندە، شىعىسىندا جەلدىڭ جىلدامدىعى 15-20 م/س- كە دەيىن كۇشەيەدى.
باتىس قازاقستان وبلىسىنىڭ وڭتۇستىگىندە، اقتوبە وبلىسىنىڭ سولتۇستىگىندە، ورتالىعىندا، پاۆلودار وبلىسىنىڭ ورتالىعىندا توتەنشە ءورت قاۋپى ساقتالادى.