بالانى 1-سىنىپقا قابىلداۋعا قانداي قۇجاتتار كەرەك

الماتى. قازاقپارات- الماتىدا ءبىرىنشى سىنىپ وقۋشىلارىنىڭ قۇجاتتارىن قابىلداۋ 1- ساۋىردە باستالادى، دەپ حابارلايدى قازاقپارات ءتىلشىسى.

ءبىرىنشى سىنىپ وقۋشىلارىنىڭ قۇجاتتارىن قابىلداۋ 1- ساۋىردە باستالىپ، 1- تامىزعا دەيىن جالعاسادى. بۇل - ءبىلىم بەرۋ پروتسەسىنە قاتىسۋشىلارعا ىڭعايلى بولۋ ءۇشىن قابىلدانعان شەشىم.

«اتا- انالار مەكتەپتى الدىن الا انىقتاپ، وقۋعا قاجەتتى قۇجاتتاردى ۋاقىتىلى تاپسىرادى، سونداي- اق بالالاردى وقۋ قۇرالدارىمەن قامتاماسىز ەتەدى. مەكتەپ باسشىلىعى سىنىپتاردى جيناقتاپ، قاجەتتى وقۋلىقتاردى الدىن الا ساتىپ الادى. سونىمەن قاتار پەداگوگتەر قۇرامىن انىقتاپ، ساعات سانىن بولەدى»، - دەپ حابارلادى قالالىق اكىمدىكتىڭ باسپا ءسوز قىزمەتى.

ءوتىنىشتى egov.kz ارقىلى بەرۋگە بولادى. قاجەتتى قۇجاتتار ءتىزىمى:

- اتا- انالاردىڭ ءوتىنىشى (نەمەسە ولاردى الماستىراتىن تۇلعالار)؛

- بالانىڭ تۋۋ تۋرالى كۋالىگىنىڭ كوشىرمەسى؛

- «بالا دەنساۋلىعى پاسپورتى» 026/ۋ-3 نىسانى بويىنشا دەنساۋلىق جاعدايى تۋرالى قۇجات؛

- 063/ۋ نىسانى بويىنشا دەنساۋلىق جاعدايى تۋرالى قۇجات؛

- 3-4 كولەمىندەگى 2 فوتو. ءوتىنىش ءبىر جۇمىس كۇنى ىشىندە قاراستىرىلادى.

اۆتور: الما مۇقانوۆا