حمەلنيتسكي مەن گەتە كوشەلەرىنىڭ قيىلىسىندا بولعان جول- كولىك اپاتى كوشەدەگى بەينەباقىلاۋ كامەرالارىنا ءتۇسىپ قالدى. «102» پۋلتىنە Toyota Land Cruiser Prado كولىگىنىڭ ۇرلانعانى تۋرالى اقپارات كەلىپ ءتۇستى. ونىڭ يەسى كولىكتىڭ سەيفۋللين داڭعىلىنىڭ بويىندا تۇرعانىن حابارلادى.
جەدەل- ىزدەستىرۋ شارالارى بارىسىندا كۇدىكتىنىڭ جەكە باسى انىقتالدى. ول شاھاردىڭ 20 جاستاعى ا. ەسىمدى تۇرعىنى بولىپ شىقتى. كامەرالاردان ۇرلانعان كولىكتىڭ ۇلكەن جىلدامدىقپەن قوزعالعاندىعى انىق كورىنەدى. اپات سالدارىنان Grand Cherokee كولىگىنىڭ 19 جاستاعى جولاۋشىسى اۋرۋحانادا كوز جۇمدى، ال جۇرگىزۋشى ءالى اۋىر حالدە جانساقتاۋ بولىمىندە جاتىر. Toyota جۇرگىزۋشىسى جول اپاتىنان كەيىن وقيعا ورنىنان قاشىپ كەتتى. انىقتالعانداي، ول ماس بولعان»، - دەدى الماتى قالالىق پوليتسيا دەپارتامەنتى كريمينالدىق پوليتسيا باسقارماسىنىڭ باستىعى قۋاتبەك ناۋاتوۆ.
قازىرگى ۋاقىتتا ۇستالعان ازاماتقا قاتىستى قىلمىستىق ارەكەتتى قۇجاتتاندىرۋ شارالارى جۇرگىزىلۋدە. اتالعان فاكتى قىلمىستىق كودەكستىڭ ءۇش بابى: ق ر ق ك- ءنىڭ 345-بابى 3-بولىگى، 347-بابى جانە 200-بابى 3-بولىگى بويىنشا تەرگەلۋدە. قاسكوي ۋاقىتشا ۇستاۋ يزولياتورىنا قامالدى. سونداي- اق، ونىڭ بۇعان دەيىن ەكى رەت سوتتى بولعانى انىقتالدى.
اۆتور: دۋمان ارعىنگەلدى