سونىمەن، سالىق كودەكسىنە ەنگىزىلگەن وزگەرىستەرگە سايكەس 2021-جىلدىڭ 1- قاڭتارىنان باستاپ جەر مەن مۇلىك ءبىر مۇلىك سالىعىنا بىرىكتىرىلدى. ەندى ءۇي مەن جەر ءۇشىن مۇلىك سالىعى سياقتى ءبىرىڭعاي سوما تولەنۋى كەرەك. الداعى تولەمدەردى ەسەپتەۋ كەزىندە قازاقستان رەسپۋبليكاسىنىڭ اۋىل شارۋاشىلىعى مينيسترلىگى جەر رەسۋرستارىن باسقارۋ كوميتەتىنىڭ «مەملەكەتتىك جەر كاداسترى» ا ج جانە قازاقستان رەسپۋبليكاسى ادىلەت مينيسترلىگىنىڭ «جىلجىمايتىن مۇلىك ريگيسترى» مەملەكەتتىك دەرەكتەر قورى ا ج دەرەكتەرى پايدالانىلدى.
2020-جىلعا ەسەپتەلگەن مۇلىك سالىعى اعىمداعى جىلدىڭ 1- شىلدەسىنەن 1- قازانىنا دەيىن «e -salyq Azamat» موبيلدى قوسىمشاسىنىڭ «الداعى تولەمدەر» سەرۆيسىندە ورنالاستىرىلاتىن بولادى. مەملەكەتتىك كىرىستەر كوميتەتى ازاماتتاردى م ك ك «e - Salyq-Azamat» تەگىن موبيلدى قوسىمشاسىن پايدالانۋعا شاقىرادى. موبيلدى قوسىمشاعا كىرۋ ءۇشىن، ءسىزدىڭ دەرەكتەرىڭىزدىڭ قاۋىپسىزدىگى ماقساتىندا، ءسىزدىڭ ۇيالى تەلەفون ءنومىرىڭىز موبيلدى ازاماتتار بازاسىندا (ح ق ك و) ءسىزدىڭ ج س ن- دە تىركەلۋى قاجەت.
جەكە تۇلعالارعا دايىن دەرەكتەمەلەر بويىنشا ءبىر مەزگىلدە تولەم جۇرگىزۋ مۇمكىندىگىمەن الداعى سالىق سوماسىن ونى تولەۋ مەرزىمى باستالعانعا دەيىن بىلۋگە مۇمكىندىك بەرىلگەن.
ەستەرىڭىزگە سالا كەتەيىك، 2020-جىلعا مۇلىك سالىعىن تولەۋ مەرزىمى 2021-جىلعى 1 - قازانىنا اياقتالادى.
م ك ك پورتالىندا، «ەلەكتروندى ۇكىمەت» (egov. kz) پورتالىندا الداعى تولەمدەردى كورۋدەن باسقا، بانكتەردىڭ موبيلدى قوسىمشالارىندا دەرەكتەردى الۋ مۇمكىندىگى ىسكە اسىرىلدى (Kaspi kz، Homebank).
بۇل رەتتە م ك ك موبيلدى جانە بانك قوسىمشالارىنىڭ الداعى تولەمدەر سەرۆيسىندە ەسەپتەلگەن مۇلىك سالىعىنىڭ سوماسى دەربەس شوتتاعى بار تولەمدى (ارتىق تولەمدى) ەسكەرە وتىرىپ كورسەتىلەدى.
سونىمەن قاتار، مۇلىك سالىعى بويىنشا الداعى تولەمدەردىڭ سوماسى سالىق بەرەشەگى بولىپ تابىلمايدى، وسىعان بايلانىستى بۇل سوما م ك ك موبيلدى قوسىمشاسىنىڭ «مەملەكەتتىك كىرىستەر ورگاندارىندا ەسەپكە الۋ جۇرگىزىلەتىن سالىقتىق بەرەشەكتىڭ جوق (بار) ەكەندىگى تۋرالى مالىمەتتەر» سەرۆيسىندە كورسەتىلمەيدى.
جەكە تۇلعالار سالىقتى باسقا تاسىلدەرمەن تولەي الادى: ەكىنشى دەڭگەيدەگى بانكتەردىڭ بولىمشەلەرىندەگى تولەم تەرمينالدارىنداعى قولما-قول اقشا قاراجاتىمەن، بانكوماتتار مەن تولەم تەرمينالدارىنداعى بانك كارتالارىنىڭ كومەگىمەن.