تارازدا تۇرعىندارىنىڭ 1 ميلليون تەڭگەسىن جىمقىرعان الاياق ايەل ۇستالدى
كريمينالدىق پوليسيا قىزمەتكەرلەرى بىرنەشە الاياقتىق دەرەگىن جاساعان دەگەن كۇدىكپەن تاراز قالاسىنىڭ 42 جاستاعى تۇرعىنىن ۇستادى، ول تۇرعىنداردى الداپ، اقشانى كوبەيتىپ بەرەمىن نەمەسە قايتارىمسىز نەسيە اپەرەمىن دەگەن سىلتاۋمەن اقشالارىن يەمدەنگەن.
«الدىن الا تەرگەۋ بارىسىندا الاياقتىڭ قۇربانى بولعان سەگىز ادامنىڭ الاياق ايەلگە جالپى سوماسى ءبىر ميلليون تەڭگەدەن استام اقشا قاراجاتىن بەرگەنى انىقتالدى. اتالعان دەرەككە قاتىستى قازاقستان رەسپۋبليكاسى قىلمىستىق كودەكسىنىڭ 190-بابىنىڭ 3-بولىگى (الاياقتىق) بويىنشا سوتقا دەيىنگى تەرگەۋ امالدارى جۇرگىزىلۋدە. الاياقتىڭ الداۋ ارەكەتىنىڭ قۇربانى بولعان وزگە دە تۇلعالاردى انىقتاۋ ماقساتىندا ءبىرقاتار تەرگەۋ امالدارى جۇرگىزىلۋدە»، - دەپ حابارلادى جامبىل وبلىسىنىڭ پ د كريمينالدىق پوليتسيا باسقارماسىنىڭ باستىعى ارداق ماديماروۆ.