«جاسىل پاسپورت» دەگەن اتپەن بەلگىلى مۇنداي قۇجات سيفرلىق تۇردە بولادى. وندا ءار ازاماتقا قاتىستى كوۆيدپەن بايلانىستى اۋرۋى، پ ت ر تەستىلەرىنىڭ ناتيجەلەرى، ۆاكسيناتسيا سەكىلدى بارلىق مالىمەت كورسەتىلەدى. «جاسىل پاسپورت» 1-شىلدەدەن باستاپ قولدانىسقا ەنەدى، دەپ حابارلايدى قازاقپارات ەuronews-كە سىلتەمە جاساپ.
ەكپە العان مۇنداي سەرتيفيكاتتىڭ يەسىن مەديتسينالىق سەبەپتەرگە بايلانىستى ە و ەلىنە كىرگىزبەۋگە نەگىز جوق.
«ايتا كەتۋ كەرەك، ۆاكتسينانىڭ ەكى دوزاسىن العاننان كەيىن ازامات تولىق ەگىلدى دەپ سانالادى. سەرتيفيكات قانداي دوزا، قاشان ەگىلگەنى تۋرالى بارلىق مالىمەتتى كورسەتەدى. بۇل سەرتيفيكات ەلگە ءسىزدى كىرگىزۋگە سەبەپ بولۋى مۇمكىن. ءبىراق سىزگە رۇقسات بەرىلۋ ءۇشىن ءسىز تولىقتاي ەگىلۋىڭىز قاجەت»، - دەدى ادىلەت ماسەلەلەرى جونىندەگى ەۋروكوميسسار ديدە رەيندەرس.
تەك ە و نەمەسە د د ۇ دەڭگەيىندە ماقۇلدانعان ۆاكسينالار قاراستىرىلادى. ازىرگە بۇل تىزىمگە رەسەي نەمەسە قىتاي پرەپاراتى كىرمەگەن. الايدا، ماجارستاندا ولار بەلسەندى تۇردە قولدانىلادى. ءبىراق ە و- نىڭ ءار ەلىنە ءوز كريتەرييلەرىنە سايكەس جالپى ەۋروپالىق سەرتيفيكاتى جوق ادامدارعا كىرۋگە رۇقسات ەتۋ قۇقىعى جەكە بەرىلەدى.