بۇل تۋرالى مەديتسينا عىلىمدارىنىڭ دوكتورى، س. د. اسفەندياروۆ اتىنداعى قاز ۇ م ۋ جۇقپالى جانە تروپيكالىق اۋرۋلار كافەدراسىنىڭ پروفەسسورى راۆيليا ەگەمبەرديەۆا ايتتى، دەپ حابارلايدى قازاقپارات ءتىلشىسى.
الماتى قالاسى ەپيدەميولوگيالىق جاعداي بويىنشا «قىزىل» ايماقتا تۇر. سوڭعى تاۋلىكتە مەگاپوليستە كوروناۆيرۋس ينفەكسياسىن جۇقتىرۋدىڭ جاڭادان 342 جاعدايى تىركەلدى. پاندەميامەن كۇرەس اياسىندا قالادا حالىقتى ۆاكسينالاۋ جۇمىستارى بەلسەندى جۇرگىزىلۋدە. ءبىرىنشى كەزەڭدە دارىگەرلەر مەن مەديتسينا قىزمەتكەرلەرىنەن 1750 ادام ۆاكسينالاندى. ەكىنشى كەزەڭدە ەكپەنى 3300 مەديتسينا قىزمەتكەرى، 955 پوليتسيا قىزمەتكەرى مەن 523 مۇعالىم الدى. پروفەسسور راۆيليا ەگەمبەرديەۆا ناۋقاستان الىنعان انتيدەنەلەر مەن ۆاكسينادان الىنعان انتيدەنەلەردىڭ ايىرماشىلىعى نەدە ەكەنىن ايتتى.
«كوروناۆيرۋس ينفەكسياسىنان كەيىن يممۋنيتەت قالىپتاسادى، ءبىراق ول ۇزاققا سوزىلمايدى. قايتادان اۋىرعان جاعدايلار بار. كوروناۆيرۋس ينفەكسياسىن جۇقتىرعاندار 3 ايدان كەيىن قايتا اۋرۋى مۇمكىن. سوندىقتان ينفەكسيادان كەيىن يممۋنيتەتتىڭ قانشالىقتى ۇزاق ەكەنىن ايتا المايمىن جانە عالىمداردىڭ دا بۇعان ءالى ناقتى جاۋابى جوق. ءبىراق ەڭ از كەزەڭ - 3 اي. قازاقستان اۋماعىندا قولدانىلاتىن «سپۋتنيك ۆ» ۆاكسيناسى اعزانى 1 جىلعا دەيىن يممۋنيتەتپەن قامتاماسىز ەتەدى. قازىر رەسەيدە جاسالعان باسقا ۆاكسينالار بەلگىلى جانە عالىمداردىڭ ايتۋىنشا، بۇل ۆاكسينالار 3 جىلعا دەيىن يممۋنيتەتتى قامتاماسىز ەتەدى. ءبىراق مەنىڭ ويىمشا، يممۋنيتەتتىڭ قانشالىقتى ۇزاق ساقتالاتىنى تەك ۆاكسينالاۋ جۇرگىزگەننەن كەيىن ناقتى بەلگىلى بولادى»، - دەدى راۆيليا ەگەمبەرديەۆا.
پروفەسسوردىڭ سوزىنشە، حالىقتىڭ p ۆ اكسينالاۋ عانا ءتيىمدى بولادى. ول كوروناۆيرۋس ينفەكسياسىنىڭ تىركەلۋىن توقتاتۋعا ىقپال ەتەدى. الەم ۆاكسينالاۋدىڭ مۇنداي دەڭگەيىنە ءالى جەتكەن جوق.
«قازاقستان رەسپۋبليكاسىنا ۆاكسيناتسيالاۋ تەك 1-اقپاننان باستالدى. وعان حالىقتىڭ باسىم بولىگى قاتىسقان جوق. سوندىقتان بەتپەردە رەجيمى، 1,5 مەترلىك قاشىقتىق سياقتى ەپيدەمياعا قارسى شارالاردى قاتاڭ ساقتاۋ قاجەت. ايتا كەتەرلىگى، 2 ۆاكسينا ەكپەسىن العان ادامداردىڭ ەپيدەمياعا قارسى شارالاردى تاعى 14 كۇن ساقتاۋى ءتيىس ەكەندىگىن اتاپ وتكىم كەلەدى»، - دەدى راۆيليا ەگەمبەرديەۆا.
«مەن ينفەكسيونيست رەتىندە كوروناۆيرۋس ينفەكسياسىمەن اۋىراتىن ناۋقاستار ءالى دە كوپ ەكەنىن، ونىڭ ىشىندە اۋىر حالدە جاتقاندار بار ەكەنىن، دەرتتىڭ اسقىنۋى ولىممەن اياقتالعان جاعدايلار دا بار ەكەنىن مالىمدەيمىن. ازاماتتاردان ءوتىنىپ سۇرارىم، بەتپەردە تاعىڭىزدار، قولدارىڭىزدى مۇقيات جۋىڭىزىزدار، قاشىقتىقتى ساقتاڭىزدار، اۋرۋدىڭ العاشقى بەلگىلەرى پايدا بولعان كەزدە دەرەۋ جەرگىلىكتى دارىگەرگە حابارلاسىڭىزدار»، - دەدى راۆيليا ەگەمبەرديەۆا.