ءۇشىنشى توقسان 20-ناۋرىزعا دەيىن جالعاسادى. ق ر ءبىلىم جانە عىلىم ۆيتسە-ءمينيسترى شولپان كارينوۆا بۇل توقساندا سانيتارلىق احۋال ەسكەرىلىپ وقۋ پروتسەسى ءارتۇرلى فورماتتاردا جۇرگىزىلەتىنىن ءمالىم ەتتى، دەپ حابارلايدى قازاقپارات ءتىلشىسى.
شولپان قارينوۆا و ك ق- دا وتكەن باسپا ءسوز ءماسليحاتىندا اتاپ وتكەندەي، ءداستۇرلى فورماتتا وقىتۋ جالپى ءبىلىم بەرەتىن مەكتەپتەردە كەزەكشى سىنىپتاردا 1-دەن 5-سىنىپقا دەيىن قوسا العاندا، حالىقارالىق مەكتەپتەردە 7-سىنىپقا دەيىن اتا- انالاردىڭ نەمەسە وزگە دە زاڭدى وكىلدەردىڭ ءوتىنىشى بويىنشا 15 بالادان اسپايتىن سىنىپتاردا جالعاسادى.
سونىمەن قاتار كونتينگەنتى 300 بالاعا دەيىنگى مەكتەپتەردە دە وقۋشىلار ءداستۇرلى فورماتتا وقيدى. بۇل توقساندا:
- مەنشىك نىسانىنا قاراماستان مەكتەپتەردىڭ ءبىتىرۋشى سىنىپتارى (9,11 (12)-سىنىپتار) ءۇشىن وقۋشىلار شتاتتىق رەجيمدە وقىتىلا باستادى. ولاردا پاندەردىڭ p ى شتاتتىق رەجيمدە، 0 ى قاشىقتان وقىتۋ ۇسىنىلدى؛
- سانيتارلىق- ەپيدەميولوگيالىق تالاپتاردى قاتاڭ ساقتاي وتىرىپ، ارنايى مەكتەپ- ينتەرناتتاردىڭ، جالپى ۇلگىدەگى مەكتەپ- ينتەرناتتاردىڭ، مەكتەپ جانىنداعى ينتەرناتتاردىڭ، دارىندى بالالارعا ارنالعان مەكتەپ- ينتەرناتتاردا تۇرىپ وقۋىنا رۇقسات ەتىلدى. مەنشىك نىسانىنا قاراماستان ءبىلىم بەرۋ ۇيىمدارىنىڭ ءبىتىرۋشى سىنىپتارى ءۇشىن وقىتۋ ارالاس فورماتتا ۇيىمداستىرىلادى:
پاندەردىڭ p ى ءداستۇرلى فورماتتا، ال 0 ى قاشىقتان وقىتىلادى. بيىل ەلىمىز بويىنشا ءبىتىرۋشى سىنىپتارداعى وقۋشىلاردىڭ سانى 440 مىڭنان استام ادامدى قۇرايدى. وقۋ پروتسەسىن ارالاس فورماتتا ۇيىمداستىرۋ كەزىندە سانيتارلىق- ەپيدەميولوگيالىق نورمالار ساقتالىپ، ساباقتاردىڭ يكەمدى كەستەسى قۇرىلادى.
سونىمەن قاتار الەۋمەتتىك قاشىقتىقتى ساقتاۋ ءۇشىن اۋىسىمدار مەن كىشى اۋىسىمدار سانى ۇلعايتىلىپ، ءاربىر سىنىپ ءۇشىن ساباق اراسىنداعى ۇزىلىستەر ءار ءتۇرلى ۋاقىتتا ۇيىمداستىرىلادى. سانيتارلىق تالاپتارعا سايكەس مەكتەپكە كىرۋ كەزىندە ءبىلىم الۋشىلار مەن پەداگوگتەردىڭ دەنە قىزۋىن كۇندەلىكتى ولشەۋ قاجەت.
سونداي-اق، قاجەت بولعان جاعدايدا پەداگوگتەردىڭ، وقۋشىلاردىڭ جانە ولاردىڭ اتا-انالارىنىڭ قالاۋى بويىنشا شتاتتىق فورماتتا ءبىلىم الىپ جاتقان وقۋشىلار ءۇشىن مەكتەپتە جەكە كونسۋلتاتسيالار وتكىزۋگە رۇقسات ەتىلگەن. ءبىر توپتا 5 ادامنان ارتىق بولماۋى ءتيىس.
اۆتور: ايان بەكەن ۇلى