قارجى مينيسترلىگى مەملەكەتتىك كىرىستەر كوميتەتىنىڭ جالپىعا بىردەي دەكلاراتسيالاۋ باسقارماسىنىڭ باسشىسى دينا قۇسايىنوۆا العاشقى كەزەڭدە كىمدەر دەكلاراتسيا تاپسىرۋى كەرەكتىگىن ءتۇسىندىردى.
ونىڭ سوزىنشە، جالپىعا بىردەي دەكلاراتسيانىڭ باستى ماقساتى - كولەڭكەلى ەكونوميكامەن كۇرەس، سىبايلاس جەمقورلىققا قارسى قۇرالدى قالىپتاستىرۋ ءارى ەل بيۋجەتىن تولىقتىرۋ.
«جالپىعا بىردەي دەكلاراتسيالاۋعا ەلدىڭ ءاربىر ازاماتىنىڭ ءومىرىن جاقسارتۋدىڭ كوپتەگەن مۇمكىندىگى كىرەدى. 2021-جىلعى 1- قاڭتاردان باستاپ ءبىزدىڭ ءبارىمىز جالپىعا بىردەي دەكلاراتسيالاۋ جۇيەسىنە ەنەمىز. العاشقى كەزەڭدە وعان مەملەكەتتىك قىزمەتشىلەر، ولارعا تەڭەستىرىلگەن جۇبايلارى كىرەدى»، - دەدى قۇسايىنوۆا.
ول مەملەكەتتىك قىزمەتكەرلەردە بۇرىن كورسەتپەگەن بەلگىلى ءبىر اكتيۆتەر بار ەكەنىن اتاپ ءوتتى.
وعان دەبيتورلىق بەرەشەك، قۇندى مۇلىك، ينۆەستيتسيالىق التىن، مۇلىك، اۆتورلىق قۇقىق، قولما- قول اقشا دا كىرەدى، دەيدى قۇسايىنوۆا.
ۆەدومستۆو باسشىسىنىڭ سوزىنشە، 2021-جىلدىڭ 1- قاڭتارىنان باستاپ دەكلاراتسيانى تاپسىرۋعا مىندەتتى ادام 2020-جىلدىڭ 31- جەلتوقسانىنداعى جاعداي بويىنشا بارلىق اكتيۆى مەن مىندەتتەمەلەرىن كورسەتۋى ءتيىس.
«دەكلاراتسيانى ناقتى كىم تاپسىرادى؟ 2021-جىلدىڭ 1- قاڭتارىنان باستاپ دەكلاراتسيانى جاۋاپتى مەملەكەتتىك قىزمەتتى اتقاراتىن ادامدار جانە ولاردىڭ جۇبايلارى، مەملەكەتتىك فۋنكتسيالاردى ورىنداۋعا ۋاكىلەتتى ادامدار جانە ولاردىڭ جۇبايلارى، مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامدارعا تەڭەستىرىلگەن ادامدار جانە ولاردىڭ جۇبايلارى تاپسىرادى. ودان بولەك، بۇل ساناتقا كونستيتۋتسيالىق زاڭعا، قازاقستان رەسپۋبليكاسىنىڭ سايلاۋ تۋرالى جانە سىبايلاس جەمقورلىققا قارسى ءىس-قيمىل تۋرالى، قازاقستاننىڭ بانكتەرى جانە بانكتىك قىزمەتى تۋرالى، ساقتاندىرۋ قىزمەتى تۋرالى زاڭدارعا سايكەس دەكلاراتسيا تاپسىرۋ مىندەتى جۇكتەلگەن ادامدار دا كىرەدى»، - دەدى قۇسايىنوۆا.