بۇل تۋرالى اقپارات City Transportation Systems (CTS) كومپانياسىنىڭ Facebook-تەگى رەسمي اككاۋنتىندا جاريالاندى، دەپ حابارلايدى قازاقپارات ءتىلشىسى.
«ەرتەڭ، 1-جەلتوقساندا ەلوردانىڭ قوعامدىق كولىكتەرى قالىپتى رەجيمدە جۇمىسىن جالعاستىرادى. نۇر- سۇلتان قالاسىنىڭ باس مەملەكەتتىك سانيتار دارىگەرىنىڭ قاۋلىسىنا سايكەس، قوعامدىق كولىكتەردىڭ جۇمىسىنا جۇمىس جانە سەنبى كۇندەرى رۇقسات بەرىلگەن. تەك دەمالىس كۇنى عانا تىيىم سالىنعان. تۇرعىنداردان سانيتارلىق نورمالاردى ساقتاۋدى وتىنەمىز. اۆتوبۋسقا ماسكاسىز كىرۋگە تىيىم سالىنعان. جولاقىسىن تولەۋ قولما- قول اقشاسىز جۇرگىزىلەدى»، - دەلىنگەن كومپانيا تاراتقان اقپاراتتا.
سونداي-اق ەسكە سالايىق، مەيرام كۇندەرى ەلوردانىڭ ساۋدا، ويىن-ساۋىق ورتالىقتارى مەن ساۋدا ۇيلەرى جۇمىس ىستەيدى. بۇل نىساندارعا سەنبى كۇنى دە جۇمىس ىستەۋگە رۇقسات بار. ەلوردانىڭ باس سانيتار دارىگەرىنىڭ جاڭا قاۋلىسىنا سايكەس، ساۋدا ۇيلەرى، ساۋدا، ويىن- ساۋىق ورتالىقتارى سەنبىدە ساعات 09:00-دەن 20:00-گە دەيىن اشىق بولادى. جەكسەنبى كۇنى ولاردىڭ جۇمىس ىستەۋىنە تىيىم ساقتالادى. كەلۋشىلەر ماسكا تاعۋى، الەۋمەتتىك قاشىقتىقتى ساقتاۋى، تەرمومەتريادان ءوتىپ، انتيسەپتيكتەر مەن سانيتايزەر قولدانۋعا مىندەتتى.
اۆتور: مارلان جيەمباي