تاياۋدا وزبەكستان پرەزيدەنتى شاۆكات ميرزيەيەۆتىڭ جاڭا جارلىعى شىقتى. وندا سالاۋاتتى ءومىر سالتىن ۇستانۋ، دەنساۋلىقتى كۇتۋ جانە كۇندەلىكتى شىنىعۋعا قاتىستى ءبىرقاتار ماسەلەلەر كوتەرىلگەن. اتاپ ايتقاندا، حالىق اراسىندا كۇندەلىكتى جاياۋ ءجۇرۋ مەن جۇگىرۋدى ناسيحاتتاۋ ءۇشىن قارجىلاي سىيلىق بەرۋ قولعا الىنباق.
«سالاۋاتتى ءومىر سالتى» پلاتفورماسىندا 18 جاستان اسقان وزبەكستان ازاماتتارىنىڭ ەلەكتروندى ءاميانىنا بەلگىلى ءبىر كولەمدە قارجى سالىپ وتىرۋ، سول ارقىلى حالىقتى سالاۋاتتى ءومىر سالتىن ۇستانۋعا ىنتالاندىرۋ كوزدەلىپ وتىر. ءبىر تاۋلىكتە 10 مىڭ جانە ودان كوپ قادام جاياۋ جۇرگەن ادامعا 3 مىڭ سۋمعا دەيىن تولەنەدى. ءبىر ايدا ءار اۋدان مەن قالادا ەڭ كوپ جاياۋ جۇرگەندەرگە - 300 مىڭ سۋمنان، ءار وڭىردە ەڭ ۇلكەن قاشىقتىقتى جاياۋ ءجۇرىپ وتكەن ادامعا - 500 مىڭنان، رەسپۋبليكا بويىنشا ەڭ كوپ جاياۋ جۇرگەن ازاماتقا - 1 ميلليون سۋم كولەمىندە سىيلىق بەرۋ جوسپارلانعان.