كوروناۆيرۋستان 1- تامىزدان بەرى قانشا ادام قايتىس بولدى
10:56, 07 - تامىز 2020
نۇر-سۇلتان. قازاقپارات - وتكەن تاۋلىكتە كوروناۆيرۋستىق ينفەكتسيا بەلگىلەرى بار پنيەۆمونيانىڭ 1424 جاعدايى تىركەلدى، دەپ حابارلادى بۇگىن ق ر دەنساۋلىق ساقتاۋ مينيسترلىگى.
سونداي-اق اتالعان مالىمەتتەردە پنيەۆمونيادان ەلىمىزدە 18 ادامنىڭ قايتىس بولعانى ايتىلادى.
جالپى ەلىمىزدە 1- تامىزدان بەرى پيەۆمونيامەن اۋىرعاندار سانى 11008 ادامدى قۇراپ وتىر. 120 ادام قايتىس بولعان.
«ق ر دەنساۋلىق ساقتاۋ مينيسترلىگى ك ۆ ي قاتىستى ءار تاۋلىكتەگى اقپاراتتى كۇن سايىن جاريالاپ وتىرادى. بارلىق مالىمەت مينيسترلىكتىڭ رەسمي سايتىندا جانە ۆەدموستۆانىڭ الەۋمەتتىك جەلىلەردەگى پاراقشالارى ارقىلى تاراتىلادى. اتاپ ايتقاندا، ناۋقاستاردىڭ جالپى سانى، قايتىس بولعاندار جانە قوعامداعى ماڭىزدى جاعدايلار رەسمي اقپارات كوزدەرى ارقىلى جەدەل جاريالانادى. ال، ايماقتارداعى احۋال تۋرالى اقپاراتتى دەنساۋلىق ساقتاۋ مينيسترلىگىنىڭ رەسمي وكىلى اپتا سايىن ارنايى بريفينگتە حابارلايدى»، - دەلىنگەن حابارلامادا.