قىتاي باس كەدەن باسقارماسى مەن «استانا-1» اقپاراتتىق جۇيەلەرى ىقپالداستىرىلماق
بۇل تۋرالى بۇگىن ۇكىمەت وتىرىسىندا ق ر قارجى ءمينيسترى ءاليحان سمايىلوۆ ءمالىم ەتتى، دەپ حابارلايدى قازاقپارات ءتىلشىسى.
«قازاقستان رەسپۋبليكاسى مەن قىتاي حالىق رەسپۋبليكاسى اراسىنداعى كەدەندىك ستاتيستيكانىڭ الشاقتىعىن تومەندەتۋ ماقساتىندا ق ر قارجى مينيسترلىگى مەن ق ح ر باس كەدەن باسقارماسى اراسىنداعى قولدانىستاعى كەلىسىمگە الماساتىن اقپارات قۇرامىن كەڭەيتۋ بولىگىندە وزگەرىستەر ەنگىزىلەتىن بولادى. ءتيىستى ۋاعدالاستىققا قول جەتكىزىلدى. سونداي-اق، قىتاي تاراپىمەن «اقىلدى قۇلىپ» پيلوتتىق جوباسىن ىسكە اسىرۋ تۋرالى شەشىم كەلىسسوز جۇرگىزىلۋدە.
وسى ماقساتتا قىتاي باس كەدەن باسقارماسىنىڭ اقپاراتتىق جۇيەسىمەن «استانا-1» اقپاراتتىق جۇيەسىن ينتەگراتسيالاۋ جوسپارلانۋدا»، - دەدى مينيستر.
ونىڭ ايتۋىنشا، بۇل يمپورتتاۋشىلاردىڭ تاۋارلاردى دەكلاراتسيالاۋىنىڭ دۇرىستىعىن قامتاماسىز ەتەدى. ەڭ باستىسى بۇگىنگى كۇنى كەدەندىك شەكارادا بار سىبايلاس جەمقورلىق كورىنىستەرىن ايتارلىقتاي تومەندەتەدى.
«سونداي-اق، كەدەندىك باقىلاۋ اياسىندا تەكسەرۋ ءىس-شارالارى كۇشەيتىلدى. سىرتقى ەكونوميكالىق قىزمەتتىڭ «تاۋەكەلدىك» قاتىسۋشىلارىنا قاتىستى تاۋەكەلدەردىڭ ءتيىستى بەيىندەرى جانە تاعى باسقالارى ازىرلەنەدى»، - دەدى ءا. سمايىلوۆ.