قازاقستاندىق بوكسشى قارسىلاسىن 1 مينۋتتا نوكاۋتپەن جەڭدى
بۇل تۋرالى قازاقستاندىق كاسىپقوي بوكسشى قانات يسلامنىڭ PR مەنەدجەرى بەرىك سۇلتان ءوزىنىڭ Facebook-تەگى پاراقشاسىندا جازدى.
ول الەۋمەتتىك جەلىدەگى پاراقشاسىنا «قۋان، قازاق ماديار اشكەيەۆ قارسىلاسىن 1- راۋندتا قۇلاتىپ جەڭىسكە جەتتى»، - دەپ جازىپ، جەكپە-جەك الاڭىنان تۇسىرگەن ۆيدەونى جاريالادى.
وتانداسىمىز امەريكالىق بوكسشى حوسە انتونيو ابرەۋمەن جۇدىرىقتاسقان بولاتىن. جەكپە-جەك بار بولعانى 1 مينۋت 52 سەكۋندقا عانا سوزىلدى. وتانداسىمىزدىڭ حوسە انتونيو ابرەۋگە تيگەن جويقىن سوققىسىنا قارسى تۇرا الماي، تىزەرلەپ بارىپ قۇلاعان. وسىدان كەيىن، تورەشى جەكپە-جەكتى توقتاتتى.
بۇل وتانداسىمىز ماديار اشكەيەۆ كاسىپقوي بوكستاعى 9-جەڭىسى. ول ءالى بىردە-ءبىر جەكپە-جەگىندە جەڭىلىپ كورمەگەن.
ەستەرىڭىزگە سالا كەتەيىك، وسىعان دەيىن تاعى ءبىر وتانداسىمىز مەيىرىم نۇرسۇلتانوۆ مەكسيكالىق قارسىلاسىن نوكاۋتقا تۇسىرگەنى تۋرالى جازعان بولاتىنبىز.
اۆتور: كۇنسۇلتان وتارباي