اۋەجايعا ميلليونىنشى جولاۋشى Air Astana اۋە كومپانياسىنىڭ ك س218 رەيسىمەن بۇگىن تۇستە نوۆوسيبير قالاسىنان ۇشىپ كەلدى. ميلليونىنشى جولاۋشىنىڭ ەسىمى - الەكسەي فرانسۋزوۆ.
ايتا كەتەيىك، جولاۋشىنىڭ ەسىمى لوتورەيا جۇرگىزۋ ادىسىمەن كەزدەيسوق انىقتالدى.
«استانا حالىقارالىق اۋەجايى» ا ق باس ديرەكتورى رادىلبەك ءاديمولدا ب ا ق وكىلدەرى مەن مەيماندار الدىندا لوتوتروننان ۇشاققا وتىرعىزۋ ءنومىرىن الىپ شىقتى.
«وسىمەن استاناعا ەكىنشى رەت كەلىپ وتىرمىن. ىسكەرلىك ساپارىمدا استاناعا بار-جوعى 1 كۇنگە ۇشىپ كەلگەن ەدىم. بيزنەس اياسىندا قازاقستاندىق ارىپتەستەرىممەن كەزدەسپەكپىن. شىنى كەرەك، مۇنداي سىيدى كۇتكەنىم جوق. استاناداعى اۋەجايدىڭ ميلليونىنشى جولاۋشىسى اتانعانىنا قۋانىشتىمىن. بارلىقتارىڭىزعا راحمەت»، - دەيدى الەكسەي فرانسۋزوۆ.
الەكسەي فرانسۋزوۆ Air Astana اۋە كومپانياسىنىڭ كەز كەلگەن حالىقارالىق باعىتتارى بويىنشا بيزنەس كلاسقا 2 بيلەت، IPad جانە ەسكەرتكىش سىيلىق الدى.
ايتا كەتەرگىلى، 1 -قاڭتار - 28 -قاراشا ارالىعىندا «استانا حالىقارالىق اۋەجايى» ا ق جولاۋشىلار اعىنىن 2016 -جىلدىڭ ۇقساس كەزەڭىمەن سالىستىرعاندا 3922347 ادامعا، ياعني (25 پايىزعا) دەيىن ارتتىرعان.