بۇل تۋرالى ق ر ەنەرگەتيكا مينيسترلىگى گاز ونەركاسىبىن دامىتۋ دەپارتامەنتىنىڭ ديرەكتورى زياش قياقبايەۆ ءمالىم ەتتى، دەپ حابارلايدى «قازاقپارات» ءتىلشىسى.
«2018-جىلى قازاقستان رەسپۋبليكاسىنىڭ گاز جانە گازبەن جابدىقتاۋ تالاپتارىنا سايكەس، ەلىمىزدە گازدىڭ باعاسىن مەملەكەتتىك رەتتەۋ جۇيەسى قالىپتاسادى. ءار توقسان سايىن ەنەرگەتيكا مينيسترلىگى ۇ ە م- مەن بىرلەسىپ، سۇيىتىلعان گازدىڭ باعاسىن بەلگىلەپ وتىرادى. ىشكى ىستەر مينيسترلىگىنىڭ كەلتىرگەن مالىمەتىنە جۇگىنسەك، 2016-جىلى قازاقستاندا سۇيىتىلعان گازدى وتىن رەتىندە پايدالاناتىن اۆتوكولىكتەردىڭ سانى 160933 بولسا، 2017-جىلدىڭ 6 ايىنىڭ ەسەبى بويىنشا مۇنداي كولىكتەردىڭ سانى 333 مىڭعا جەتكەن. ياعني، وسى قاراستىرىلعان ۋاقىتتا كولىكتەر سانى ەكى ەسەگە وسكەنىن بايقاۋعا بولادى»، - دەيدى زياش قياقبايەۆ.
ونىڭ ايۋىنشا، سۇيىتىلعان گازدى تۇتىنۋ بويىنشا 2015-2016-جىلدار اراسىندا ىشكى نارىقتاعى گازدى تۇتىنۋدىڭ كولەمى 22-25 پايىزعا وسسە، قازىرگى ۋاقىتتا قازاقستاندا سۇيىتىلعان گازدى تۇتىنۋ ايىنا 80-85 مىڭ تونناعا دەيىن جەتىپ وتىر.
«گازدى ەڭ كوپ پايدالانىلاتىن ءوڭىر - ماڭعىستاۋ وبلىسى. ول وڭىردە ايىنا 13500-14500 توننا گاز تۇتىنادى. جاز ايلارىندا سۇيىتىلعان گازدى پايدالانۋ مولشەرى وسەدى. ال قىس ايلارىندا ازايادى»، - دەيدى زياش قياقبايەۆ.
اۆتور: ايان بەكەن ۇلى