ۇ ق ك- نىڭ قازا تاپقان قىزمەتشىلەرى 1 مينۋت ۇنسىزدىكپەن ەسكە الىندى
«ەلىمىزدىڭ ۇلتتىق قاۋىپسىزدىك كوميتەتىنىڭ تاريحىندا شىنايى باتىرلىقتىڭ، ءوز ەلى مەن حالقىنا دەگەن مۇلتىكسىز ادالدىقتىڭ كوپتەگەن ۇلگىسى بار. 25 جىلدىق مەرەيتويدى اتاپ وتە كەلە ءبىز تۋعان جەرىنىڭ تۇراقتىلىعىن، بەيبىتشىلىكتى ساقتاۋ جولىندا جانىن پيدا ەتكەن ءوز ەلىنىڭ ناعىز پاتريوتتارىن ەسكە الۋعا مىندەتتىمىز. ەندى سىزدەردىڭ قىزمەتتەرىڭىز وسىنداي. وكىنىشكە وراي سىزدەر مۇنداي تاۋەكەلگە باراسىزدار، بۇل قىزمەتتىڭ ساپىنا ءوز ەرىكتەرىمىزبەن كىرەسىزدەر. قازىر ءبىزدىڭ ورتامىزدا جوق قىزمەتشىلەر دە بار. ولار ءوز ومىرلەرىن ءبىزدىڭ ەلىمىزدىڭ تىنىشتىعى مەن تاۋەلسىزدىگى ءۇشىن قيدى. ولاردى ءبىر مينۋت ۇنسىزدىكپەن ەسكە الۋدى ۇسىنامىن»، - دەدى مەرەكەلىك كونسەرت بارىسىندا ءسوز سويلەگەن قازاقستان پرەزيدەنتى نۇرسۇلتان نازاربايەۆ.
ەلباسى بۇگىنگى كونسەرتكە قازا تاپقان قىزمەتشىلەردىڭ جۇبايلارى وتىرعاندىعىن اتاپ ءوتتى.
«ولار ءار ۋاقىتتا دا ۇ ق ك نازارىندا بولاتىندىعىنا سەندىرگىم كەلەدى. ولاردىڭ بالالارى دا نازاردا بولادى. بۇل - ءبىزدىڭ ورتاق مىندەتىمىز»، - دەدى مەملەكەت باسشىسى.
اۆتور: مارلان جيەمباي