قازاقستاننان جىلىنا 1 قالانىڭ تۇرعىندارى كوشىپ كەتىپ وتىردى - پرەزيدەنت
بۇگىن ەلوردادا ءوتىپ جاتقان قازاقستان تاۋەلسىزدىگىنىڭ 25 جىلدىق مەرەيتويىنا ارنالعان سالتاناتتى جيىندا ەلباسى نۇرسۇلتان نازاربايەۆ وسىلاي ايتتى، دەپ حابارلايدى قازاقپارات.
«1991 -جىلدان باستاپ قازاقستاننان ءتۇرلى سەبەپتەرمەن شامامەن 3,6 ميلليون ادام كوشىپ كەتتى. شىن مانىندە جىل سايىن بىزدەن 1 قالادان كەتىپ وتىردى جانە وسى جىلدارى ەل حالقىنىڭ سانى 17,5 ميلليوننان 14 ميلليون ادامعا دەيىن قىسقاردى. بۇل ءبىزدىڭ ەكونوميكامىزعا قوسىمشا اۋىر سوققى بولعان ەدى. الەمگە ءبىز قىزىقتى ەمەس ەدىك. قاجەتىمىز بولعان جوق. بۇگىن مۇنىڭ بارلىعى دا نەبارى 25 جىل بۇرىن بولعانىن ويلاپ كورۋدىڭ ءوزى قيىنعا سوعادى»، - دەپ اتاپ ءوتتى ەلباسى.
ق ر پرەزيدەنتى سول ءبىر قيىن- قىستاۋ كەزەڭدى بۇگىنگى اعا بۋىن جاقسى بىلەتىندىگىن باسا ايتتى.
«ءبىز ءبارىمىز بىرگە بارلىق قيىندىقتاردان ءوتىپ، مىقتى بولا تۇستىك»، - دەپ اتاپ ءوتتى نازاربايەۆ.
اۆتور: مارلان جيەمباي