قازاقستاندا كەلەسى 1-شىلدەدەن ومىرگە كەلگەن نارەستەگە بەرىلەتىن جاردەماقى ارتادى
12:09, 15 - جەلتوقسان 2016
استانا. قازاقپارات - مەملەكەت باسشىسى نۇرسۇلتان نازاربايەۆ بالانىڭ تۋۋىنا بايلانىستى جاردەماقىنى 20 پايىزعا ارتتىرۋدى تاپسىردى، دەپ حابارلايدى قازاقپارات.
«سونىمەن قاتار 2017 -جىلدىڭ 1 -شىلدەسىنەن بالانىڭ تۋۋىنا بايلانىستى ءبىر جولعى مەملەكەتتىك جاردەماقى كولەمىن 20 پايىزعا ارتتىرۋدى تاپسىرامىن. قازىرگى كەزدە بىزدە بالا تۋۋ دەڭگەيى وتە جوعارى، ياعني ءوسىم 55 پايىزعا جەتتى»، - دەدى ەلباسى ەلوردادا ءوتىپ جاتقان قازاقستان تاۋەلسىزدىگىنىڭ 25 جىلدىق مەرەيتويىنا ارنالعان سالتاناتتى جيىندا.