قىزىلوردادا 1 - مامىر كۇنى پوليتسيا قولىنان زارداپ شەككەن ەر ادام تۋرالى جالعان فوتوسۋرەت - ارانداتۋشىلىق
15:26, 02 - مامىر 2016
استانا. قازاقپارات - 2016 - جىلدىڭ 1 - مامىرىندا الەۋمەتتىك جەلىلەر مەن موبيلدىك قوسىمشالاردا قىزىلوردا قالاسىندا پوليتسيا قولىنان زارداپ شەككەن قانعا بويالعان ەر ادامنىڭ فوتوسۋرەتى تاراتىلدى.
اتالعان اقپارات جالعان جانە ارانداتۋشىلىق سيپاتتا بەرىلگەن، دەپ حابارلادى قىزىلوردا وبلىستىق ىشكى ىستەر دەپراتامەنتى باسپا ءسوز قىزمەتىنەن.
بۇل فوتوسۋرەت ajanshaberler.com سايتىنان الىنعانى، وقيعانىڭ 2015 -جىلدىڭ اقپان ايىندا قىتايدا بولعانى انىقتالدى.
ارانداتۋشىلىق فاكتىسى بويىنشا قىزىلوردا وبلىسىنىڭ ىشكى ىستەر دەپارتامەنتى تەرگەۋ امالدارىن باستادى.
ارانداتۋشىلار جاۋاپقا تارتىلاتىن بولادى.