قالانىڭ ورتالىق الاڭىنا جينالعان ءتۇرلى ەتنومادەني بىرلەستىكتەرى ۇسىنعان ۇلتتىق تاعامدارى مەن ساندىك- قولدانبالى جانە بەينەلەۋ ونەرى شەبەرلەرىنىڭ كورمەسى ءوتتى.
سونداي- اق، مەكتەپ وقۋشىلارى مەن جوعارى جانە كوللەدج ستۋدەنتتەرىنىڭ «دوستىق داڭعىلى» - «پروسپەكت درۋجبى» ۇيىمداستىرىلدى. ال ەڭ كىشكەنتاي اقمولالىقتاردىڭ «مەنىڭ قازاقستانىم» تاقىرىبىندا بەدەر تاسقا سالعان سۋرەتتەرى مەرەكەنىڭ كوركىن ودان سايىن ارتا ءتۇستى.
سالتاناتتى شاراعا قاتىسقان ايماق باسشىسى سەرگەي كۋلاگين بارشا اقمولالىقتاردى وسىناۋ مەرەكەسىمەن قۇتتىقتاپ، حالىق بىرلىگىن ۇرپاقتان ۇرپاققا دارىپتەي بەرۋگە شاقىردى.
«بيىلعى جىل - ءبىز ءۇشىن ەرەكشە. ءبىزدى جوعارى بيىكتەر مەن جەڭىسكە جەتەلەيتىن تاۋەلسىزدىكتىڭ 25 -جىلدىعىن اتاپ وتۋدەمىز. ءقازىر تۇراقتىلىعى ساقتالىپ، بىرلىگى بەكەم بولعان ەلىمىزدە بارلىق ۇلت وكىلدەرى ءوز مادەنيەتىن دامىتىپ، ءتىلىن وركەندەتىپ، سالت- ءداستۇرىن ساقتاۋعا مۇمكىندىك الدى. وسىنىڭ ارقاسىندا دوستىقتىڭ شىرايى كەلىپ، ىنتىماقتىڭ جاراسىم تاپقانى ەلدىڭ ءوسىپ- وركەندەۋىنىڭ نەگىزىن قالايدى. اسىرەسە، جيىرما ءبىر جىلدىق تاريحى بار قازاقستان حالقى اسسامبلەياسى ينستيتۋتىنىڭ ۇلتتىق بىرلىگىمىزدى نىعايتۋعا قوسقان ۇلەسى زور.
بۇگىندە ءبىزدىڭ وبلىسىمىزدا 105 ۇلت مەن ۇلىستىڭ وكىلدەرى ءومىر ءسۇرىپ جاتىر. بۇل ءوڭىر قانشاما داستۇرلەر مەن دىندەردىڭ التىن ارقاۋ بەسىگىنە اينالعان جەر. بىزدەر ءوز ىشىمىزدەگى ساياسي تۇراقتىلىقتى ساقتاي وتىرىپ، ەكونوميكامىزدى دا، الەۋمەتتىك سالانى دا قارىشتى دامىتۋعا دەن قويدىق. بۇل قاراپايىم ادامداردىڭ ءال- اۋقاتىن جاقسارتۋعا دا سەپتىگىن تيگىزەدى. ەرتەڭگى كۇنىمىزگە دەگەن سەنىمىمىزدى دە نىقتاي تۇسەدى»، - دەدى س. كۋلاگين.
مەرەكەلىك شارا جەرگىلىكتى ەتنومادەني بىرلەستىكتەردىڭ وكىلدەرى مەن كوركەم ونەرپازداردىڭ ورىنداۋىنداعى كونسەرتتىك باعدارلاما مەن ءتۇرلى سپورتتىق شارالارعا ۇلاسۋدا.