اقتاۋ قالاسىندا نازاربايەۆ زياتكەرلىك مەكتەبى استاناداعى ناۋقاس مەكتەپ وقۋشىسىنا 1 ميلليون تەڭگە جينادى
20:50, 21 - ءساۋىر 2016
اقتاۋ. قازاقپارات - اقتاۋ قالاسىنداعى حيميا- بيولوگيالىق باعىتتاعى نازاربايەۆ زياتكەرلىك مەكتەبىنىڭ (ن ز م) قىزمەتكەرلەرى استانا قالاسىنداعى ن ز م 12 -سىنىپ وقۋشىسى تەمىرلان مۇرزاعاليەۆتىڭ ەسەپشوتىنا 1 ميلليون تەڭگەدەن استام قاراجات اۋداردى.
تەمىرلان ءتورتىنشى دارەجەلى وبىرمەن اۋىرادى. ەمدەلۋ ءۇشىن قوماقتى اقشا قاجەت. سوندىقتان قىزمەتكەرلەر وعان ءبىر كۇندىك جالاقىلارىن اۋداردى.
«تەمىرلان وڭتۇستىك كورەيادا بىرنەشە قىمبات كۋرستاردان ءوتۋى ءتيىس. دارىگەرلەر ءۇمىت ارتارلىق بولجام جاساۋدا. ءار سەانس 90 نان 160 مىڭ دوللارعا دەيىن. قاجەتتى سومانى جيناۋ ءۇشىن ق ر بويىنشا ن ز م وقۋشىلارى ءتۇرلى بايقاۋلار، كونسەرتتەر، قايىرىمدىلىق كەشتەرىن وتكىزدى. اقتاۋ ن ز م ءوز ۇلەستەرىن قوستى. بارلىعى 1 ميلليون 11 مىڭ تەڭگە جينالدى. تەمىرلان جازىلىپ كەتەتىنىنە سەنەمىز. ءبىز ن ز م ءبارىمىز ءبىر وتباسى سياقتىمىز عوي»، - دەپ اتاپ ءوتتى اقتاۋ ق. ن ز م ديرەكتورى ەرمەك پايزوۆ.
قازىرگى ساتتە ەل بويىنشا ن ز م دەن 100 مىڭ دوللاردان استام قاراجات جينالدى.