بىرىكتىرىلگەن سالىق جانە كەدەندىك كودەكسى 1 -قىركۇيەكتە پارلامەنتكە جولدانادى - ە. دوسايەۆ
بۇل تۋرالى بۇگىن استانادا ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە جاڭعىرتۋ جونىندەگى ۇلتتىق كوميسسيانىڭ باسپا ءسوز ءماسليحاتىندا ق ر ۇلتتىق ەكونوميكا ءمينيسترى ەربولات دوسايەۆ ءمالىم ەتتى.
«وسى ۋاقىتقا دەيىن بيزنەس پەن بيلىك ەلدە قانداي سالىق ءتۇرى بولادى: ساتىلىمنان تۇسكەن سالىق نەمەسە قوسىمشا قۇن سالىعى قالۋى ءتيىس پا دەگەن ساۋالدا ورتاق ىمىراعا كەلۋى ءتيىس»، - دەپ اتاپ ءوتتى مينيستر.
«بۇگىندە پىكىرلەر ەكىگە جارىلدى. قايسىسى جاقسى: قوسىمشا قۇن سالىعى ما، الدە ساتىلىمنان تۇسەتىن سالىق پا؟ سۇراقتار كوپ، ونىڭ جاقسى تۇستارى دا، تەرىس تۇستارى دا بار»، - دەيدى ە. دوسايەۆ.
ونىڭ ايتۋىنشا، قانداي سالىق ءتيىمدى دەگەن ساۋال تاۋەلسىزدىك العالى بەرى تالقىلانىپ كەلەدى. قازىرگى ۋاقىتتا سالىق تۇرلەرىنە قاتىستى ساراپتاما وتكىزىلۋدە. الايدا، بۇل ماسەلە ءبىرجاقتى شەشىلمەي وتىر.
«مەملەكەت باسشىسى قاجەتتى ەسەپتەۋلەر جاساپ، بيزنەسپەن تىلدەسۋدى، قانداي سالىق قاجەت ەكەنىن انىقتاۋدى ناقتى تاپسىردى. ول قالاي ىسكە اسادى؟! ءبىز بىرىكتىرىلگەن سالىق جانە كەدەندىك كودەكسىن جاسادىق، ول 1 -قىركۇيەكتە پارلامەنتكە جولدانادى. دەمەك، ناقتى شەشىم سوندا كورسەتىلەدى»، - دەيدى مينيستر.