يران قازاقستاندا جاسالعان 1 مىڭ ۆاگوندى ساتىپ الۋعا مۇددەلى
17:17, 12 - اقپان 2016
استانا. قازاقپارات - يران قازاقستاندا جاسالعان 1 مىڭ ۆاگوندى ساتىپ الۋعا مۇددەلى. بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە ق ر ينۆەستيتسيالار جانە دامۋ مينيسترلىگى يندۋستريالدى دامۋ جانە ونەركاسىپتىك قاۋىپسىزدىك كوميتەتىنىڭ ءتوراعاسى امانياز ەرجانوۆ ءمالىم ەتتى.
«قازاقستاندىق تەمىرجول تەحنيكاسىنىڭ تانىستىرىلىمى بولىپ ءوتتى. يراننىڭ تەمىرجول سالاسىنىڭ باسشىلارىمەن لوكوموتيۆ، ەلەكتروۆوز، رەلس، جۇك جانە جولاۋشى ۆاگوندارىن وتكىزۋگە بايلانىستى 10 نان اسا كەزدەسۋلەر وتكىزىلىپ، يراندىق تاراپ 1 مىڭ ۆاگون ساتىپ الۋعا قىزىعۋشىلىق ءبىلدىردى. قازىرگى ۋاقىتتا ەكىجاقتى كەلىسسوزدەر جالعاسۋدا»، - دەپ اتاپ ءوتتى ول.
ونىڭ سوزىنە قاراعاندا، ەگەر بۇل كەلىسسوزدەر ويداعىداي اياقتالسا، بيىلدىڭ وزىندە يران تاراپى قازاقستاننان 200 ۆاگون ساتىپ الماقشى.
ەسكە سالا كەتەيىك، يراندا 6-7- اقپاندا ق ر ي د م باسشىسى اسەت يسەكەشەۆ باستاعان قازاقستاندىق دەلەگاتسيا بولىپ قايتقان ەدى. وندا شامامەن 100 گە تارتا كەلىسىمشارتتار جاسالدى. سونىڭ ىشىندە تەمىرجول سالاسىندا دا ءبىرقاتار جوبالار تالقىلاندى.
اۆتور: جاسۇلان جولدىبايەۆ