جاپونيادا اپتاپ ىستىقتان 1 ادام قازا تاپتى، ۇشەۋى ەس-ءتۇسسىز جاتىر
08:54, 28 - شىلدە 2015
استانا. قازاقپارات - جاپونياداعى اپتاپ ىستىقتان زارداپ شەككەندەردىڭ سانى ارتىپ، 1 ادام قازا تاپتى، دەپ حابارلايدى شەتەلدىك ب ا ق.
ءبىر تاۋلىكتىڭ ىشىندە ىستىقتان ءوزىن جايسىز سەزىنگەن 870 تەن استام ادام دارىگەرلەردىڭ كومەگىنە جۇگىنگەن. دارىگەرلەردىڭ ايتۋىنشا، تاعى 3 ناۋقاس ەس-ءتۇسسىز جاتىر.
ەلدە كۇننىڭ كۇرت ىسىعانىنا بىرنەشە كۇن بولدى. كەي جەرلەردە سىناپ باعانى 39 گرادۋسقا دەيىن كوتەرىلگەن. ماماندار تۇرعىندارعا سىرتقا شىقپاي، سالقىنداتقىشتاردى قولدانىپ، ۇنەمى سۋ ءىشىپ جۇرۋگە كەڭەس بەرەدى.