ەينشتەيننىڭ حاتتارىن ءباسساۋدادا 1 ميلليون ەۋروعا ساتپاق
08:33, 12 - ماۋسىم 2015
استانا. قازاقپارات - البەرت ەينشتەيننىڭ جازعان حاتتارى اۋكتسيوندا 884000 ەۋرودان ارتىق باعاعا ساتىلۋى ىقتيمال، دەپ حابارلايدى Еuromag.ru.
حاتتاردا الەمگە ايگىلى فيزيكتىڭ قۇداي تۋرالى، اتوم بومباسى جانە وزگە دە تاقىرىپتارعا وراي جازىلعان وي-پايىمدارى تىزىلگەن.
بريتاندىق The Telegraph، بۇل عالىمنىڭ ءباسساۋداعا بۇرىن-سوڭدى قويىلعان حاتتارىنىڭ ەڭ ۇلكەن جيىنتىعى. ولاردىڭ كەيبىرى 35000 ەۋردان جوعارى باعاعا ساتىلۋى مۇمكىن، دەپ جازادى.
لوتتاردىڭ اراسىندا ەينشتەيننىڭ 1923-جىلى ۇلدارى گانس البەرت پەن ەدۋاردقا، سونداي-اق بۇرىنعى ايەلى ميليەۆا ماريچكە جازعان حاتتارى دا بار.