ونىڭ ايتۋىنشا، شارانىڭ ماقساتى حالىق اراسىندا ۋچاسكەلىك پوليتسيا ينسپەكتورلارىنىڭ بەدەلىن ارتتىرۋ، قۇقىق بۇزۋشىلىقتاردىڭ الدىن الۋ، ەسكەرتۋ جانە قىلمىستار مەن اكىمشىلىك قۇقىق بۇزۋشىلىقتاردى دەر كەزىندە اۋىزدىقتاۋ.
«اكسيا بارىسىندا ۋچاسكەلىك پوليتسيا ينسپەكتورلارى وتباسىلىق-تۇرمىستىق قارىم-قاتىناس، جەكە مۇلىكتى ساقتاۋ شەڭبەرىندەگى قۇقىق بۇزۋشىلىقتاردىڭ الدىن الۋ ماسەلەلەرىندە قۇقىقتىق كومەك كورسەتۋ ماقساتىندا حالىقپەن باس قوسۋ جيىندارىن وتكىزەتىن بولادى. ۋچاسكەلىك پوليتسيا ينسپەكتورلارى تۇرعىندار اراسىندا اكىمشىلىك ۋچاسكەگە قىزمەت كورسەتەتىن ۋچاسكەلىك پوليتسيا ينسپەكتورى تۋرالى تولىق اقپاراتتى، پوليتسيا بولىمشەسىنىڭ تەلەفون ءنومىرى مەن مەكەن-جايى بار ەسىمحاتتاردى (ۆيزيتكا) تاراتىپ، ءاربىر پاتەردى ارالاۋ بارىسىندا قانداي دا ءبىر قۇقىق بۇزۋشىلىققا بايلانىستى جاۋاپكەرشىلىككە تارتۋ شارالارى تۋرالى اقپاراتتار جازىلعان بۋكلەتتەردى ۇلەستىرەدى»، - دەپ اتاپ ءوتتى گ. جاكين.
سونىمەن قاتار، ونىڭ مالىمەتىنشە، رەسپۋبليكا اۋماعىندا 2-6- ناۋرىز ارالىعىندا تۇرمىستىق قارىم-قاتىناس كەزىندە، ماس ادامداردىڭ قاتىسۋىمەن جاسالاتىن قۇقىق بۇزۋشىلىقتار مەن قىلمىستاردىڭ الدىن الۋعا باعىتتالعان «تۇرمىس» جەدەل الدىن الۋ ءىس-شارالارى جۇرگىزىلەدى.
«ىشكى ىستەر ورگاندارىنىڭ جۇمىس تيىمدىلىگى كوبىنەسە حالىقتىڭ بەلسەندىلىگىنە، سونداي-اق ولاردىڭ قىلمىسپەن بىرلەسىپ كۇرەسۋ ماسەلەسىن دۇرىس تۇسىنۋىنە بايلانىستى. قىلمىسپەن كۇرەسۋ جانە قۇقىق بۇزۋشىلىقتارعا قارسى ارەكەت ەتۋ جاعدايلارى تەك پوليتسيانىڭ كۇشىمەن عانا ءجۇز پايىز وڭتايلى بولۋى مۇمكىن ەمەس. وعان ءاربىر ازامات وزىندىك ۇلەسىن قوسسا عانا ناتيجە شىعادى»، - دەپ اتاپ ءوتتى گ. جاكين.
اۆتور: ءابۋ-اسقار مەكەش ۇلى