قازاقستاندىق زاۋىت ۇلتتىق بانككە 1 توننا التىن قۇيماسىن تاپسىرماق
ءبىر التىن قۇيماسىنىڭ قازىرگى قۇنى 560 مىڭ ا ق ش دوللارىنا تەڭ. حالىقارالىق ستاندارتتارعا ساي، ءبىر قۇيمانىڭ سالماعى 11-13 كەلى بولۋى ءتيىس. الايدا اففيناج زاۋىتى ءبىر قۇيمانى 12 كەلى ەتىپ شىعارادى ەكەن.
قۇيمانىڭ توبەسىندە قاي جىلى جاسالعانى جايلى مالىمەت جازىلادى. ال ءبىر شەتىندە قاي ەلدە شىققاندىعى، ال ەكىنشى شەتىندە زاۋىتتىڭ بەلگىسى سوعىلادى. جىل باسىنان بەرى 3 توپتاما التىن قۇيماسى شىعارىلعان. ءبىر توپتامادا 22 دايىن ءونىم بولادى. ءونىمنىڭ قۇرامىندا تازا التىننىڭ ۇلەسى 99,99 پايىزعا تەڭ.
جانار راحيموۆا، «تاۋ- كەن التىن» ج ش س ديرەكتورىنىڭ ورىنباسارى:
- 2014 - جىلى 15 جاۋاپكەرشىلىكپەن 11 توننادان ارتىق شيكىزاتقا قول قويىلعان بولاتىن. سونىڭ ىشىندە 7 تونناداي التىن ءوندىرىلدى. اففيناج زاۋىتى وتكەن جىلى 7 توننا تازا التىن وندىرگەن. سونىڭ 6 تونناسىن ۇلتتىق بانك ساتىپ الىپتى. وسىلايشا، 42 ميلليارد تەڭگە زاۋىت قازىناسىنا قۇيىلدى.
مەيرامعالي تىلەۋجانوۆ، «تاۋ- كەن التىن» ج ش س ديرەكتورى:
- شيكىزاتقا ارنالعان قازاقستاندا تاعى ەكى زاۋىت بار. سول ءۇش زاۋىتتىڭ مۇمكىندىگىن قوسساق، قازاقستان 110 توننا تازا التىن شىعارار ەدى. دەمەك بولاشاقتا سول وندىرىلەتىن 110 توننا التىننىڭ 70 تونناسىن اففيناج زاۋىتى شىعارۋعا قاۋقارلى ەكەندىگىن العا تارتادى ماماندار.