قىتايلىق ازامات 1 ميلليون يۋانعا انا «ساتىپ العىسى» كەلەدى
08:45, 20 - قىركۇيەك 2014
استانا. قازاقپارات - قىتايداعى سىچۋان وبىلىسىنىڭ تۇرعىنى اناسىنىڭ بولعانىن قاتتى قالايدى ەكەن. ءتىپتى ونىڭ اناسى بولۋعا كەلىسىم بەرگەن كەز كەلگەن ايەلگە 1 ميلليون يۋان (160000 دوللار) بەرۋگە ءازىر.
30 جاستاعى كۋان- يين تسۋيدىڭ بۇل ۇسىنىسى قىتاي عالامتورلارىن ءدۇر سىلكىندىردى، دەپ جازادى شەتەلدىك ب ا ق.
تۇرعىنداردىڭ ايتۋىنا قاراعاندا، كۋان- يين كۇن سايىن فانگۋ ساياباعىندا وتىراتىن كورىنەدى. ول ءتىپتى انا ىزدەۋ ءۇشىن ارنايى پلاكات تا ءىلىپ قويىپتى. ەر ادامنىڭ «اناسىنا» قويعان تالاپتارى بويىنشا، ايەل ادامنىڭ جاس شاماسى 57 جاس بولۋ كەرەك، ءبىلىمى بار جانە ەسىرتكى قولدانباعان بولۋ شارت. ونىڭ سوزىنە قاراعاندا، سوڭعى شەشىمدى، ارينە، ءوزى قابىلدايدى. ەگەر ول ايەلگە قانداي دا ءبىر مەيىرىمدىلىك سەزىنسە، اناسى ەتىپ قابىلداۋعا ءازىر ەكەن. كۋان- يين تسۋي بالالار ۇيىندە وسكەن. سوندىقتان دا ول انا مەيىرىمى مەن اكە ماحابباتىنان، قولداۋىنان شەت قالعان بولاتىن.