قازاقستان الەمدەگى يادرولىق سىناق قۇرباندارىن 1 مينۋت ۇنسىزدىكپەن ەسكە الادى
بۇل تۋرالى ق ر سىرتقى ىستەر مينيسترلىگىنىڭ باسپا ءسوز قىزمەتى اتالعان ۆەدومستۆونىڭ باسشىلىق قۇرامىنىڭ كەزەكتى جۇمىس جيىنى قورىتىندىسىنا وراي حابارلادى.
ەستەرىڭىزگە سالا كەتەيىك، ب ۇ ۇ باس اسسامبلەياسىنىڭ 64- سەسسياسىندا قازاقستاننىڭ باستاماسىمەن 29 - تامىز كۇنى حالىقارالىق يادرولىق سىناقتارعا قارسى ءىس- قيمىل كۇنى رەتىندە جاريا ەتىلگەن ەدى.
ۆەدومستۆونىڭ اقپاراتىنا قاراعاندا، 29 - تامىز كۇنى ساعات 11-00-دە ق ر س ءى م- ءنىڭ ەرەكشە تاپسىرمالار جونىندەگى ەلشىسى بارلىباي سادىقوۆتىڭ، اتوم جوباسىنىڭ قۇرمەتتى ەلشىسى كارىپبەك كۇيىكوۆتىڭ، ب ۇ ۇ دامۋ باعدارلاماسىنىڭ جوبا مەنەدجەرى مۇرات نارقۇلوۆتىڭ قاتىسۋىمەن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە بريفينگ جوسپارلانعان.
«بريفينگ اياسىندا ساعات 11-05-تە الەمدەگى يادرولىق سىناق قۇرباندارىن 1 مينۋت ۇنسىزدىكپەن ەسكە الۋ شاراسى وتەدى» ، - دەلىنگەن حابارلامادا.
اۆتور: مارلان جيەمباي