جەڭىل ۇشاق اۆتوتۇراققا قۇلاپ، 1 ادام قازا تاپتى
11:07, 31 - شىلدە 2014
استانا. قازاقپارات - ا ق ش-تا ءبىر موتورلى ۇشاق ساۋدا ورتالىعى الدىنداعى اۆتوتۇراققا قۇلادى، دەپ حابارلادى شەتەلدىك ب ا ق.
قايعىلى وقيعا كاليفورنيا شتاتىنداعى سان-ديەگو قالاسىندا ورىن العان. يتار-تاسس اقپاراتىنا قاراعاندا، وقيعا سالدارىنان اۋە كەمەسىنىڭ بورتىندا بولعان ايەل قازا تاپقان، ال ەكىنشى جولاۋشىنىڭ جاعدايى وتە اۋىر. ول اۋرۋحاناعا جەتكىزىلگەن. ابىروي بولعاندا، اۆتوتۇراقتاعى ادامداردىڭ ەشقايسىسى دا زارداپ شەكپەگەن.
ۇشاقتىڭ قۇلاۋىنا ۇشقىش ايەلدىڭ قاتەلىككە بوي الدىرۋى سەبەپ بولۋى مۇمكىن. ۇشاق عيمارات قۇرىلىمنىڭ ءبىر بولىگىن ءىلىپ كەتىپ، سونىڭ سالدارىنان اپاتقا ۇشىراعان.
اۆتور: مارلان جيەمباي