ەسىرتكى ساتقان19 جاستاعى ەكى ستۋدەنت قىزدىڭ سوتى باستالدى
ستۋدەنتتەر انگەلينا انتيپەنكو مەن اناستاسيا ساۆوستيانوۆا اسا ءىرى كولەمدە سينتەتيكالىق ەسىرتكىنى ساتىپ الۋ جانە ساتۋ قىلمىستارى بويىنشا ايىپتالىپ وتىر.
ەكەۋى دە ەسىرتكىنى جاسىرىپ كەتۋ ارەكەتى ۇستىندە ۇستالدى. بىرەۋىنەن ۇنتاق سالىنعان ونداعان تۇيىنشەك تابىلدى.
ۇستالعان كۇنى قىزدار بەكىتىلگەن جەرلەردە - تۇرعىن ءۇيدىڭ كىرەبەرىسىنە بىرنەشە دوزانى قويىپ ۇلگەرگەنى انىقتالدى. سونداي-اق بويجەتكەندەردىڭ ءۇيىن ءتىنتۋ كەزىندە «سينتەتيكا» مەن گاشيش تابىلدى.
ستۋدەنتتەر 15 جىلعا دەيىن باس بوستاندىعىنان ايىرىلۋى ىقتيمال.
ازىرگە قىزدار ەلدەن شىقپاۋ تۋرالى قولحاتپەن ءجۇر. مۇنداي ىستە وسىلاي ەركىن ءجۇرۋ سيرەك بەرىلەتىن مۇمكىندىك.
سوتقا انگەلينا انتيپەنكونىڭ زاڭدى وكىلى سانالاتىن اناسى كەلمەي قالعان. سول سەبەپتى سوت وتىرىسى كەيىنگە قالدىرىلدى. قىزداردى قولداۋعا ەكى قۇربىسىنان باسقا ەشكىم كەلمەگەن.