ا ق ش- تا جاڭا كولىكتەر 19 پايىزعا قىمباتتادى
Cox Automotive & Moody's Analytics - ءتىڭ كولىك قولجەتىمدىلىگى يندەكسىنىڭ ەسەبىنە سايكەس، جاڭا كولىكتەردى ساتىپ الۋ قيىندىعى جوعارى پايىزدىق مولشەرلەمەلەر مەن باعاسىنىڭ وسۋىنە بايلانىستى. قۇجاتتا ادەتتەگى اي سايىنعى تولەم % 1,7 ءوسىپ، 712 دوللارعا جەتكەنى جازىلعان. بۇل - رەكوردتىق ەڭ جوعارى كورسەتكىش.
Kelley Blue Book دەرەكتەرى مامىردا جاڭا اۆتوكولىكتەردىڭ ورتاشا باعاسى 47148 دوللاردى قۇراعانىن كورسەتتى، بۇل بارلىق ۋاقىتتاعى ەكىنشى جوعارى كورسەتكىش بولىپ تابىلادى. Kelley Blue Book باس رەداكتورى برايان مۋدي كولىكتەردىڭ تومەن ۇسىنىسى جانە ساتىپ الۋشىلاردىڭ قىمبات كولىكتەرگە جوعارى سۇرانىسى باعانىڭ وسۋىنە اكەلەتىنىن ءتۇسىندىردى. دەگەنمەن، تۇتىنۋشىلار الىدە Mazda ،Hyundai ، Buick سياقتى سۇرانىسى از برەندتەرگە كەرەمەت ۇسىنىستار الا الادى. مامىر ايىندا باعانىڭ ءوسۋى نەبارى % 1- دى قۇرادى، بۇل قۇننىڭ تومەندەۋى مۇمكىن ەكەنىن كورسەتەدى.
اۆتور: اياۋلىم التىنبەك