الماتى اكىمدىگى مالىمەتىنشە، 2019 -جىلعى 29-قازاندا پرەزيدەنت توقايەۆتىڭ تاپسىرماسى بويىنشا قالادا نۇكتەلى قۇرىلىسقا تىيىم سالىنعانىنا قاراماستان، بۇل تاپسىرمانى بۇزۋ جاعدايلارى انىقتالدى.
وسىعان بايلانىستى، قالانىڭ جاڭا اكىمى ەربولات دوسايەۆ 19 نىساندا بارلىق جۇمىس ءتۇرىن - ونىڭ ىشىندە «سامال-3» شاعىناۋدانىنداعى ۋچاسكەدە جانە دوستىق داڭعىلى بويىنداعى اكۋشەرلىك جانە گينەكولوگيا ورتالىعى اۋدانىنداعى ۋچاسكەدە قۇرىلىستى توقتاتا تۇرۋ تۋرالى شەشىم قابىلداعان. بۇعان دەيىن جەرگىلىكتى تۇرعىندار وسى قۇرىلىسقا قاتىستى نارازىلىق بىلدىرگەن بولاتىن.
ايتا كەتەيىك، 2020 -جىلدىڭ كۇزىندە الماتىلىقتار «سامال-3» شاعىناۋدانىنداعى جالعىز ساياباق ايماعىنداعى تۇرعىن ءۇي كەشەنى قۇرىلىسىنا شاعىمدانعان بولاتىن.