اتاۋلى كۇندەر
بۇكىل الەمدىك گۋمانيتارلىق كومەك كۇنى
ب ۇ ۇ باس اسسامبلەياسى 2008-جىلعى 11- جەلتوقسانداعى ارنايى قارارىمەن جاريالاعان.
2009 -جىلدان بەرى جىل سايىن تامىزدىڭ 19 ندا اتاپ وتىلەدى.
2003 -جىلى وسى كۇنى ب ۇ ۇ- نىڭ باعداتتاعى شتاب-پاتەرىندەگى جارىلىستان 22 ادام قازا تاپتى. سونىڭ ىشىندە، ب ۇ ۇ- نىڭ كورنەكتى قايراتكەرى سەرجيۋ ۆيەيرا دي مەللۋ دە بار.
2009 -جىلى اتاپ وتىلگەن ءبىرىنشى بۇكىل الەمدىك گۋمانيتارلىق كومەك كۇنى باسقالاردى قۇتقارۋ كەزىندە قازا تاپقان ادامداردى ەسكە الۋعا ارنالدى.
دۇنيەجۇزىلىك فوتوگرافيا كۇنى
بۇل كۇندى 2009-جىلى كورسكە ارا ەسىمدى اۆستراليالىق فوتوگراف ۇسىندى. 1839-جىلى 9- تامىزدا فرانسۋز سۋرەتشىسى، حيميك، ونەر تانۋشى لۋي داگار داگەروتيپ الۋ ءۇردىسى - جارىق سەزگىش مەتالل پلاستينكا بەينەسىن ۇسىندى.
19- تامىزدا فرانسيا بيلىگى ونى «الەمگە سىيلىق» دەپ جاريالادى.
ەستە قالار وقيعالار
1992-جىلى قازاقستان رەسپۋبليكاسى بۇكىل الەمدىك دەنساۋلىق ساقتاۋ ۇيىمىنا 180-مەملەكەت بولىپ كىردى.
1992 -جىلى قازاقستان رەسپۋبليكاسى مەن پورتۋگاليا رەسپۋبليكاسى اراسىندا ديپلوماتيالىق قارىم-قاتىناستى ورناتۋ جونىندەگى نوتا الماسىلدى.
1993 -جىلى قازاقستان رەسپۋبليكاسى مەن سلوۆاكيا رەسپۋبليكاسى اراسىندا ديپلوماتيالىق قارىم-قاتىناس ورنادى.
1993 -جىلى «وڭتۇستىك قاز مۇناي گاز» بىرلەستىگىنىڭ گەولوگتارى قىزىلوردا وبلىسىنداعى «قۇمكول» كەن ورنىنان مۇنايدىڭ كەنىن تاپتى.
2005 -جىلى وسكەمەندە ءۇلبى وزەنى ارقىلى وتەتىن جاڭا كوپىردە اۆتوكولىك قوزعالىسى رەسمي تۇردە اشىلدى. جاڭا كوپىر التى جولاقتى قاتاردان تۇرادى. ءبىر باعىتتاعى جولدىڭ ەنى - 11,5 مەتر، ال ءبىر جولاقتىڭ ەنى - 3,83 مەتر. جاڭا كوپىر ءۇلبى كوپىرىنەن كولىك اعىمىن جەڭىلدەتتى.
2011 -جىلى الماتىدا توتەنشە جاعدايلارعا دەن قويۋ جانە اپاتتىڭ تاۋەكەلىن ازايتۋ بويىنشا ورتالىق ازياداعى ورتالىعىن قۇرۋ تۋرالى كەلىسىمگە رەسمي قول قويۋ ءراسىمى ءوتتى.
2011 -جىلى «بوران» دەسانت-شابۋىلداۋشى توبىنىڭ جاۋىنگەرلەرى مەرت بولعان جولداستارى، سەرجانت ارداق قازيەۆكە ارناپ ەسكەرتكىش قويدى. وبەليسك سەرجانت قىزمەت ەتكەن 2022 اسكەري ءبولىمىنىڭ اۋماعىندا ورناتىلدى. قايعىلى وقيعا 2011 -جىلى 26- ماۋسىمدا كەگەن شاتقالىندا بولعان ەدى.
سول كۇنى «بوراندىقتار» قازاقستاننان قىرعىزستانعا ءوتىپ بارا جاتقان كونتراباندالىق ديزەل وتىنى تيەلگەن اۆتوتسيستەرنالاردى ۇستاعان بولاتىن.
2012 -جىلى قاراعاندىداعى بوكس ورتالىعىنا وليمپيادا چەمپيونى سەرىك ساپييەۆتىڭ ەسىمىن بەرۋ تۋرالى شەشىم قابىلداندى جانە تۇڭعىش رەت «قاراعاندى وبلىسىنىڭ قۇرمەتتى ازاماتى» اتاعى بەكىتىلدى.
ءبىرىنشى ءنومىردى سەرىك ساپيەۆ، ەكىنشى ءنومىردى ونىڭ باپكەرى الەكساندر سترەلنيكوۆ الدى.
2013 -جىلى تارازدا قازاقستانداعى العاشقى «ازيا ەلى» حالىقارالىق جەرلەستەر فەستيۆالى ءوتتى. وعان بۇرىنعى «جامبىلدىقتار» (ا ق ش، گەرمانيا، رەسەي، ۋكراينا، گرەكيا جانە ت. ب. ەلدەردەن) جينالدى.
2014 -جىلى «بالالار جاڭا تولقىنى» حالىقارالىق بايقاۋى اياقتالدى. قازاقستاندىق مۇحاممەدالى جۇگىنىسوۆ لايىقتى ونەر كورسەتىپ، ءۇشىنشى ورىنعا يە بولدى.
2014 -جىلى بايقاۋعا 11 ەلدەن 17 جاس ورىنداۋشى قاتىسقان ەدى.
2014-جىلى تانىمال حالىقارالىق «Great Value Colleges» ۇيىمى زەرتتەۋلەرىنىڭ ناتيجەسى بويىنشا ءال-فارابي اتىنداعى قاز ۇ ۋ الەمنىڭ تەحنولوگيالىق دامىعان 50 ۋنيۆەرسيتەتتەرىنىڭ قاتارىنا ەنىپ، 31- ورىنعا تابان تىرەدى.
2015 -جىلى شىعىس قازاقستان وبلىسىنىڭ قاتونقاراعاي اۋدانىنىڭ قاراقابا جازىعىندا حالىقارالىق تۇركى اكادەمياسىنىڭ ۇيىمداستىرۋىمەن «التاي - التىن بەسىك» العاشقى حالىقارالىق ارحەولوگيالىق ەكسپەديتسياسى ىسكە قوسىلدى.
2016 -جىلى ق ر ۇلتتىق بانكى «proof» ساپاسىمەن «قازاقستاننىڭ فلوراسى مەن فاۋناسى» مونەتالار سەرياسىنان 500 تەڭگەلىك نومينالمەن «سەكسەۋىل» ەسكەرتكىش كۇمىس مونەتالارىن اينالىمعا شىعاردى.
2017 -جىلى «قازاق فيلمنىڭ» ءتۇسىرۋ توبى قازىبەك ءبيدىڭ 350 جىلدىق مەرەيتويى قارساڭىندا فيلم ءتۇسىرۋ ماقساتىندا قارقارالى اۋدانىنىڭ ەگىندىبۇلاق اۋىلىنا باردى.
2018 -جىلى قازاقستاندىق ءتورت مەكتەپ وقۋشىسى 6 جاستان 16 جاسقا دەيىنگى 450 ادام قاتىسقان يوردانيا UCMAS مەنتالدى اريفمەتيكادان 10- ۇلتتىق بايقاۋىنان جەڭىسپەن ورالدى.
ءبىرىنشى ورىندى شىعىس قازاقستان وبلىسىنان ءالينۇر قۇدايبەرگەنوۆ (2007 ج. ت.)، جاس ەرەكشەلىكتەرى بويىنشا ەكىنشى ورىندى داۋلەت ىزبەرگەن (2005 ج.، اتىراۋ وبلىسى) مەن سوفيا ەرمەتوۆا (2009 ج. ت.، تۇركىستان وبلىسى) يەلەندى، ال ءۇشىنشى ورىن سافينا ەرمەتوۆاعا (2004 ج. ت.، تۇركىستان وبلىسى) بۇيىردى.
2018 -جىلى قازاقستاندىق سەمسەرشى دميتري الەكسانين يندونەزياداداعى دجاكارتا مەن پالەمبانگتە وتكەن ازيا ويىندارىنىڭ چەمپيونى اتاندى. ول جەكەلەي سىندا يندونەزيالىق دەرري سەەحاندى 5:2، تايلاندتىق كوراكوتە چايدى 15:9، قىرعىزستاندىق رومان پەتروۆتى 15:10، ۆەتنامدىق دان فۋوكتى 15:7، كورەيالىق دجين سان چجۋنگتى 15:12 جانە سان ەن پاكتى - 15:12 ەسەبىمەن تىزە بۇكتىردى.
26 جاستاعى دميتري الەكسانين وتاندىق سپورت تاريحىندا ازيا ويىندارىنىڭ جەكەلەي سىنداعى چەمپيونى اتانعان العاشقى سەمسەرشى بولدى.
2019 -جىلى الماتى قالاسىنىڭ ۇزدىك ءبىلىم بەرۋ ۇيىمدارىنا ماراپاتتار تاعايىندالىپ، ەڭبەك پەن ۇزدىك ءبىلىم بەرۋ ساپاسىنىڭ كورسەتكىشتەرىن كورسەتەتىن مەگاپوليستىڭ ۇزدىك پەداگوگتارى ءۇشىن الماتى اكىمىنىڭ ارنايى گرانتتارى بەكىتىلدى.
2019 -جىلى Astana Pro Team ۆەلوكومانداسىنىڭ قازاقستاندىق ۆەلوشاباندوزى الەكسەي لۋتسەنكو «نورۆەگيانىڭ اركتيكالىق جارىسىندا» توپ جاردى. ەكىنشى ورىندى لۋتسەنكودان ءبىر سەكۋندقا قالىپ قويعان Team Arkea Samsic وكىلى، فرانسۋز ۆارران بارگي يەلەندى.