قازاقستان اۋماعىنىڭ باسىم بولىگىندە اۋا رايىنىڭ تۇراقسىزدىعى ساقتالادى، اتموسفەرالىق فرونتالدى بولىكتەردىڭ وتۋىمەن نايزاعاي كۇتىلەدى، جاڭبىر جاۋادى، تەك وڭتۇستىك پەن باتىستا اۋا رايى كوبىنەسە جاۋىن شاشىنسىز بولادى.
رەسپۋبليكانىڭ كەي جەرلەرىندە جەل كۇشەيەدى، تۇمان، داۋىل، بۇرشاق جاۋۋى ىقتيمال.
قاراعاندى وبلىسىندا تۇندە جەل كەي جەرلەردە 15-20 م/س، كۇندىز باسىم بولىگىندە 15-20، ەكپىنى 23 م/س كۇشەيەدى، داۋىل كۇتىلەدى، بۇرشاق جاۋۋى ىقتيمال.
اقمولا، قوستاناي وبلىستارىنىڭ كەي جەرلەرىندە تۇمان، داۋىل كۇتىلەدى، بۇرشاق جاۋۋى ىقتيمال، تۇندە كەي جەرلەرىندە جەل 15-20 م/س، كۇندىز باسىم بولىگىندە 15-20، اقمولا وبلىسىندا ەكپىنى 23 م/س كۇشەيەدى.
سولتۇستىك قازاقستان وبلىسىندا تۇندە جانە تاڭەرتەڭ تۇمان كۇتىلەدى، كۇندىز جەل 15-20، ەكپىنى 23 م/س كۇشەيەدى.
پاۆلودار وبلىسىنىڭ كۇندىز كەي جەرلەرىندە جەل 15-20 م/س كۇشەيەدى، داۋىل كۇتىلەدى، بۇرشاق جاۋۋى ىقتيمال.
شىعىس قازاقستان وبلىسىندا جەل 15-20 م/س كۇشەيەدى، داۋىل كۇتىلەدى، بۇرشاق جاۋۋى ىقتيمال.
تۇندە جانە تاڭەرتەڭ اقتوبە وبلىسىندا تۇمان كۇتىلەدى، كۇندىز وبلىستىڭ سولتۇستىگىندە جەلدىڭ ەكپىنى 16 م/س كۇشەيەدى.
ماڭعىستاۋ وبلىسىنىڭ كەي جەرلەرىندە تۇمان كۇتىلەدى. اتىراۋ، قىزىلوردا، تۇركىستان، جامبىل، الماتى وبلىستارىنىڭ باسىم بولىگىندە، اقتوبە وبلىسىنىڭ شىعىسىندا، قاراعاندى وبلىسىنىڭ وڭتۇستىك-باتىستا، شىعىس قازاقستان، باتىس قازاقستان وبلىستارىنىڭ وڭتۇستىگىندە توتەنشە ءورت قاۋپى ساقتالادى.