بۇل تۋرالى Stan.kz حابارلايدى، The Independent كە سىلتەمە جاساپ.
55 جاستاعى دجەيمس اللەن حەيەس 2017 -جىلى 11 قىلمىسقا كۇدىكتى دەپ تانىلدى.
ول بانك كاسسيرىنە وزىندە پيستولەت بارىن ەسكەرتىپ، اقشا تالاپ ەتكەن. وسىنداي جولمەن 40 مىڭ دوللار اقشا ۇرلاعان.
دجەيمس ۇستالعاندا ۇرلانعان اقشاعا الىنعان PT Cruiser كولىگى دە تاركىلەندى.
1998 -جىلى ول لوتەرەيادان 19 ميلليون دوللار ۇتىپ العان. ايەلىمەن اجىراسقاننان كەيىن اقشانىڭ جارتىسىن وعان ءبولىپ بەرگەن. ول وزىندە قالعان اقشانىڭ كوبىنە ەسىرتكى ساتىپ العان.
دجەيمس 2017 -جىلى قازاندا گاراجدا تۇرىپ جاتقان جەرىنەن ۇستالدى.