ايازدان 19 ادام قازا تاپتى
20:32, 28 - اقپان 2018
استانا. قازاقپارات - ەۋروپانىڭ بىرنەشە مەملەكەتتەرىندە قاۋىپتىلىكتىڭ ەڭ جوعارى دەڭگەيى جاريالادى. شوتلانديادا قاتتى اياز سالدارىنان 40 مەكتەپ جابىلىپ، ەدينبۋرگتە بالاباقشالار جۇمىسىن توقتاتتى.
«ەدينبۋرگتەگى بالاباقشالار، باستاۋىش جانە ورتا مەكتەپتەر اۋا رايى جاعدايىنا بايلانىستى بۇگىن جۇمىس ىستەمەيدى» ، - دەلىنگەن ەدينبۋرگ قالالىق كەڭەسىنىڭ الەۋمەتتىك جەلى پاراقشاسىندا.
ۇلىبريتانيادا مەتەورولوگيالىق قىزمەت قار كوپ مولشەردە جاۋىپ، جولدار جابىلىپ، ەلەكتر قۋاتى وشەتىنىن حابارلايدى. قاجەتتىلىك بولماعان جاعدايدا جۇرگىزۋشىلەردىڭ جولعا شىقپاعانى دۇرىس ەكەنى ەسكەرتىلدى.
يرلانديادا قاۋىپتىلىكتىڭ ەڭ جوعارى دەڭگەيى جاريالاندى. ال فرانسيا مەتەورولوگتارى ايازدى كۇندەر ارتتا قالعانىن ايتقانمەن، اياز سالدارىنان ءتورت ادام قازا تاپقان.
ميلاندا قاتتى اياز اسەرىنەن ءۇيسىز ادام كوز جۇمعان. «ەۋرونيۋز» تەلەارناسىنىڭ مالىمەتىنشە، ەۋروپادا قاتتى اياز كەسىرىنەن 19 ادام قازا تاپقان.
Baq.kz