الماتىدا جاس مۇعالىمدەرگە 19 مىڭ تەڭگەگە جۋىق ۇستەماقى قوسىلادى
بۇگىن وڭىرلىك كوممۋنيكاتسيالار قىزمەتىندە وتكەن باسپا ءسوز ءماسحيحاتىندا باسقارما باسشىسى ساناتى مەن ەڭبەك ءوتىلى جوق جاس مۇعالىمدەرگە 18696 تەڭگە ۇستەماقى قوسىلاتىنىن ايتتى.
«پەداگوگتىڭ مارتەبەسىن كوتەرۋ ەرەكشە نازارعا الىندى. ەلباسىنىڭ حالىققا جولداۋىندا اتاپ كورسەتىلگەندەي، جاڭا مازمۇندى ءبىلىم بەرۋ جۇيەسىنە وتكەن مۇعالىمدەردىڭ جالاقىسى 30 پايىز وسەدى. ساناتى مەن ەڭبەك ءوتىلى جوق جاس مۇعالىمدەرگە 18696 تەڭگە، جوعارى ساناتتى مۇعالىمدەرگە 27مىڭنان اسا تەڭگە ۇستەماقى قوسىلادى»، - دەدى ول.
سونىمەن قاتار، باسقارما باسشىسى ورتا ءبىلىم بەرۋ دەڭگەيىندە جاڭارتىلعان مازمۇندى ءبىلىم بەرۋگە كەزەڭدەپ ءوتۋ 2020 -جىلى اياقتالاتىنىن ايتتى.
«وسى رەتتە جاڭارتىلعان مازمۇندى ءبىلىم بەرۋگە 2016 -جىلى 1- سىنىپتار، 2017 -جىلى 2, 5, 7- سىنىپتار ءوتتى. 2018 -جىلى كەزەڭدەپ ءوتۋ 3, 6, 8- سىنىپتاردا جالعاسىن تابۋدا. 2019 -جىلى، 9, 10- سىنىپتار، 2020 -جىلى 11- سىنىپتار وتەدى»، - دەدى ول.
اۆتور: الماس مۇقاش ۇلى