موڭعوليادا قازاقستاننىڭ كولىك ءمينيسترى 1993 - جىلى تۇتقىنعا ءتۇسىپ قالدى
بۇل جايىندا ول 2016- جىلى «تاۋەلسىزدىك تاعلىمى» اتتى تەلەجوبادا ايتتى، دەپ حابارلايدى قازاقپارات.
«بۇل وقيعا 1993 -جىلى قازاقستان پرەزيدەنتىنىڭ قىتايعا، ودان كەيىن موڭعولياعا ساپارى كەزىندە ورىن الدى. ول ۋاقىتتا ۇشقىشتار مەن ەكيپاج اۋەجاي قىزمەتى تولەۋ ءۇشىن وزىمەن بىرگە اقشا الىپ ءجۇرۋى ءتيىس بولاتىن. ادەتتە بۇل جايىندا ەشكىم بىلە بەرمەيدى، ويتكەنى، جۇيە قالىپتاسقان. دەگەنمەن، اتالعان قىزمەتتەردى تولەۋ ءۇشىن ەكيپاجدىڭ اقشاسى جەتكىلىكسىز بولىپ قالدى. سول كەزدە موڭعولدار: «مينيسترلەرىڭىز قالسىن، اقشا اۋدارعان كەزدە مينيسترلەرىڭىزدى بوساتامىز»، - دەدى. ءبىراق، نۇرسۇلتان ءابىش ۇلى ولاردى كوندىرىپ، مەن بوساتتى»، - دەپ ەسكە الدى ول.
سونىمەن قاتار ول موڭعولدارعا اقشانىڭ تولىق كولەمدە اۋدارىلعاندىعىن اتاپ ءوتتى.
«مىنە، ءتىپتى حالىقارالىق ساپارلاردىڭ ءوزى دە وسىنداي قيىندىقتارعا تولى بولدى»، - دەدى ەسەنعارين.
نۇرسۇلتان نازاربايەۆ ءوز كەزەگىندە ەلىمىزدىڭ ءبىرىنشى كولىك ءمينيسترىنىڭ بۇل سوزدەرىن قۋاتتادى.
«ءبىز سول جىلدارى ءتىپتى حالىقارالىق رەيستەر بارىسىندا ۇشاقتىڭ تۇراعىنا، جانارمايعا دا تولەم جاساي الماعان ەدىك. ءسىزدى قىسقا ۋاقىتقا دا بولسا تۇتقىنعا قالدىرعانىمىز ءۇشىن كەشىرىم سۇرايمىن»، - دەدى ەلباسى ەسەنعارينعا قاراتا.
2016