قازاقستاندا 194 ەلدى مەكەن ەلەكتر قۋاتىنسىز قالدى - ت ج م
بۇل تۋرالى ق ر توتەنشە جاعدايلار مينيسترلىگىنەن ءمالىم ەتتى، دەپ حابارلايدى قازاقپارات ءتىلشىسى.
ۆەدومستۆو مالىمەتىنشە، ەلىمىزدىڭ ءبىرقاتار وڭىرىندە قاتتى جەلدىڭ سالدارىنان 4 قالادا (اتىراۋ، تالدىقورعان، تەكەلى، پاۆلودار قالالارىندا) 70133 ابونەنت جانە 6 وبلىستا (الماتى، اتىراۋ، اقمولا، قاراعاندى، سولتۇستىك قازاقستان جانە پاۆلودار وبلىستارى) 194 ەلدى مەكەن ەلەكتر قۋاتىنسىز قالدى.
«وتكەن تاۋلىكتە قۇتقارۋ بولىمشەلەرى نۇر-سۇلتان قالاسى، اقمولا، اقتوبە، قاراعاندى، قوستاناي وبلىستارىندا 814 ادامدى، ونىڭ ىشىندە 101 بالا جانە 3 جۇكتى ايەلدى قۇتقاردى جانە ەۆاكۋاتسيالادى. اۆاريالىق-قۇتقارۋ جۇمىستارىنا ت ج م، ءى ءى م، جەرگىلىكتى اتقارۋشى ورگاندار مەن جول قىزمەتتەرىنەن 539 ادام جانە 277 تەحنيكا جۇمىلدىرىلدى. اقمولا، قاراعاندى، پاۆلودار، قوستاناي وبلىستارىنىڭ جىلىتۋ پۋنكتەرىندە 89 ادام، ونىڭ ىشىندە 11 بالا بار. اۆتوجولداردىڭ جابىق ۋچاسكەلەرىندە حالىقتى ەۆاكۋاتسيالاۋ ءۇشىن ۋاقىتشا جىلىنۋعا ارنالعان 40 پۋنكت دايىندالدى. جول قىزمەتتەرى قاردان تازارتۋ جۇمىستارىن جۇرگىزۋدە»، - دەپ اتاپ وتەدى مينيسترلىكتەن.
ت ج م- نىڭ اقپاراتىنا سۇيەنسەك، حالىقتى ەسكەرتۋ ماقساتىندا اۋا رايىنىڭ ناشارلاۋى تۋرالى 74 سمس- حابارلاما جىبەرىلدى جانە «دارمەن» موبيلدىك قوسىمشاسى ارقىلى 56 حابارلاما جولداندى.
قازىرگى ۋاقىتتا اۆتوجولداردىڭ 86 ۋچاسكەسى جابىلدى. ونىڭ 33 ءى رەسپۋبليكالىق جانە 53 ءى وبلىستىق ماڭىزى بار. بۇل رەتتە اۆتوكولىكتەردىڭ جينالۋى قاراعاندى (593 بىرلىك تەحنيكا)، اقمولا (546)، قوستاناي (53) وبلىستارىنىڭ جانە نۇر-سۇلتان قالاسىنىڭ (60) بلوكپوستارىندا بايقالادى.
وتكەن تاۋلىكتە نۇر-سۇلتان، الماتى قالالارىندا، اقمولا، الماتى، اقتوبە، اتىراۋ، جامبىل، قاراعاندى، قىزىلوردا، پاۆلودار جانە سولتۇستىك قازاقستان وبلىستارىندا داۋىلدى جەلدىڭ سالدارىنان شاتىرلاردىڭ بۇزىلۋى مەن اعاشتاردىڭ قۇلاۋى، سونداي-اق ەلەكتر ەنەرگياسىنىڭ ءىشىنارا اجىراتىلۋى ورىن الدى.
نۇر-سۇلتان، الماتى قالالارىندا جانە الماتى وبلىسىندا توتەنشە جاعدايلاردىڭ سالدارىنان 6 ادام، ونىڭ ىشىندە 3 بالا زارداپ شەكتى. ت ج مينيسترلىگىندە توتەنشە جاعدايدى جويۋ جونىندەگى رەسپۋبليكالىق شتاب قۇرىلدى. اقمولا، اقتوبە، پاۆلودار، قوستاناي، قاراعاندى، سولتۇستىك قازاقستان وبلىستارىندا وسىنداي شتابتار جۇمىس جۇرگىزۋدە. پسيحولوگيالىق كومەك جانە اقپاراتتىق قولداۋ كورسەتۋ ءۇشىن رەسپۋبليكالىق جانە اۋماقتىق شتابتاردا جەدەل جەلى تەلەفونى جۇمىس جاسايدى.