تىنىق مۇحيتىندا 1945 -جىلى جوعالىپ كەتكەن كەمە تابىلدى
15:22, 24 - تامىز 2017
استانا. قازاقپارت - تىنىق مۇحيتىندا 1945 -جىلى جوعالىپ كەتكەن كەمە تابىلدى. امەريكاندىق «يندياناپوليس» اۋىر كرەيسەردىڭ سىنىقتارى 72 جىل وتكەننەن كەيىن تابىلدى. كەمە 5,5 شاقىرىم تەرەڭدىكتە تابىلدى. ناقتى جەرى ايتىلماي وتىر.
«يندياناپوليس» 1945 -جىلى 30 - شىلدەدە اتوم بومباسى بويىنشا قۇپيا قىزمەتتى اتقارىپ كەلە جاتقان جولدا اپاتقا ۇشىرادى. ول كەيىننەن حيروسيماعا تاستالعان. كەمەدە 1200 اسكەري بولعان. 316 ادامدى قۇتقارىپ ۇلگەرگەن. بۇل امەريكاندىق اسكەري فلوت تاريحىنداعى ەڭ ۇلكەن اپات بولدى. كەمە 12 مينۋتتىڭ ىشىندە تۇڭعيىققا ءتۇسىپ ۇلگەرگەن. سوندىقتان ۇزاق ۋاقىت كەمەنىڭ قايدا ەكەنىن تابۋ قيىندىق تۋدىرعان. 300 ادام كەمەمەن باتىپ كەتكەن، قالعاندارى ءشول، گالليۋتسيناتسيا مەن اكۋلانىڭ شابۋىلىنان كوز جۇمدى. امەريكاندىق اسكەري بازاسىنا كەمەنىڭ اپاتقا ۇشىراعانى تۋرالى اقپارات جەتپەگەندىكتەن ءتىرى قالعانداردى تەك ءتورت كۇننەن كەيىن عانا تاپقان.
«قامشى» سىلتەيدى