ت ا س س- تىڭ حابارلاۋىنشا، باۋىرلاستار بەيىتى ۆەلتەنبەرگ ەلدى مەكەنىنەن تابىلعان، ودان 38 كەڭەستىك ساربازدىڭ مۇردەلەرى تابىلدى. مۇراعاتتىق مالىمەتتەر بويىنشا، ولاردىڭ جارتىسىنا جۋىعى - رەسەيلىكتەر، تاعى 12 سى - ۋكراينادان، قالعاندارى - مولداۆيا، قازاقستان جانە بەلارۋس تۋمالارى.
ەرلىكپەن قازا تاپقان بوزداقتاردىڭ مۇردەسى اسكەري قۇرمەتپەن جەر قوينىنا بەرىلىپ، ولارعا دۇعا باعىشتالدى، بۇدان كەيىن ازات ەتۋشى-جاۋىنگەرلەر مەموريالىنا گۇل شوقتارى قويىلدى.
كەڭەستىك ساربازداردى قايتا جەرلەۋ تاريحى وتكەن جىلى باستالعان بولاتىن. ولاردىڭ باۋىرلاستار بەيىتى جەرگىلىكتى تۇرعىن يوحاننە شپەركتىڭ ارقاسىندا ۆەلتەنبەرگ ەلدى مەكەنىنىڭ ماڭىنان تابىلدى. اۆستريالىق «قارا كرەست» مەموريالدىق قوعامىنىڭ قىزمەتكەرلەرى سول كەزدە 92 جاستاعى ايەلدەن حات العان بولاتىن. ول ونىڭ اتا- انالارىنىڭ ۇيلەرى باقشاسىنان ەكىنشى دۇنيەجۇزىلىك سوعىس كەزىندە جەرلەنگەن 29 ساربازدىڭ بەيىتى تابىلعانى ايتىلعان بولاتىن، ال ونىڭ ءوزى سول كۇندەردىڭ سوڭعى كۋاگەرى.
شپەركتىڭ ايتۋىنشا، 1954 -جىلعا دەيىن اۆستريادا بۇل جەر رەسمي اسكەري قورىم بولىپ سانالعان. كەيىننەن بەيىت قاراۋسىز قالىپ، ونىڭ ورنىنا جەمىس باقشاسى ورىن تەپكەن.
ال وتكەن جىلى «قارا كرەست» قىزمەتكەرلەرى بۇل جەردەن ادام سۇيەكتەرىن تاپقان.
مەموريالدىق قوعامنىڭ قامقورشىلار كەڭەسىنىڭ مۇشەسى جانە «اۆستريانى ازات ەتۋدە قازا تاپقان كەڭەس ساربازدارىنىڭ «ەسكە الۋ كىتابىنىڭ اۆتورى پەتەر سيكسل رەسەي مۇراعاتتارىنان 70 جىل بۇرىنعى وقيعالاردى قۋاتتايتىن قۇجاتتاردى تاپتى.
ونى قازۋعا رۇقسات وسى جىلعى كوكتەمدە دە عانا بەرىلدى، باسقا دا قيىندىقتارعا بايلانىستى سوزىلىپ كەتتى. قورىمنان كوپتەگەن گراناتتار تابىلدى، ونى اسكەري ساپەرلەر بىرنەشە رەت زارارسىزداندىردى.
ءسويتىپ، شپەرك وتباسى ءۇيىنىڭ باقشاسىنان 29 ەمەس، 38 كەڭەس جاۋىنگەرلەرىنىڭ مۇردەسى تابىلدى. مۇراعات مالىمەتتەرىنە سايكەس ولاردىڭ جارتىسىنا جۋىعى - رەسەي تۋماسى، تاعى 12 سى - ۋكراينادان، قالعاندارى - مولداۆيا، قازاقستان جانە بەلارۋس تۋمالارى بولىپ شىقتى.
قازىر ولاردىڭ بارلىعى دا اۆستريانى ازات ەتكەن باسقا دا قىزىل ارمياشىلارمەن بىرگە وبەرۆارتتاعى كەڭەستىك جاۋىنگەرلەر بەيىتىنە جەرلەندى.