سەبەبى بۇل قالا ءبىلىم مەن عىلىمنىڭ، مادەنيەتتىڭ، ءبىر سوزبەن ايتقاندا وركەنيەتتىڭ ورداسى بولاتىن. سول سەبەپتى لەنينگراد جاۋ قۇرساۋىندا قالدى.
لەنينگراد تۇرعىندارى بلوكاداداعى 872 كۇن ىشىندە نە كورمەدى دەسەڭىزشى؟ ! كورشىلەرى مەن تۋىستارىنىڭ قازاسى، نان الۋ الۋعا تۇرعان ادامداردىڭ ۇزىن- سونار كەزەگى. كوشەدەگى قالا تۇرعىندارىنىڭ ءولى دەنەسى. حالىقتىڭ تۇرمىسى قيىن ءارى قورقىنىشتى بولدى. تەك جان باعىپ، سوڭىنا دەيىن كۇرەسكەندەر عانا بلوكادادان امان ءوتتى. ازىق- تۇلىك قورى تاۋسىلعان كەزدە لەنينگرادتىقتار ءۇي مىسىقتارىن جەي باستادى. ءبىراز ۋاقىتتان كەيىن قالانىڭ كوشەلەرىندە بىردە- ءبىر مىسىق قالمادى. مىسىقتاردىڭ جاپپاي جويىلۋى تاعى ءبىر اپاتقا اكەلدى. قانداي دەيسىز عوي؟ لەنينگراد كوشەلەرىندە وتە كوپ ەگەۋقۇيرىقتار پايدا بولا باستادى. قالالىق ورتادا بۇل كەمىرگىشتەردىڭ مىسىقتاردان باسقا تابيعي جاۋى جوق ەدى. مىسىقتار عانا ەگەۋقۇيرىقتاردىڭ سانىن ازايتىپ، ولاردىڭ كوبەيۋىنە جول بەرمەيتىن. ەگەۋقۇيرىقتار - وتە ءوسىمتال. ولار جىنىستىق جاعىنان 2 - 3-ايدا تولىق جەتىلەدى. ەگەر ەگەۋقۇيرىقتارعا ەركىندىك بەرسە، جىلىنا 2 - 3 رەتتەن (2- 18) دەيىن كوبەيە الادى. ەگەۋقۇيرىقتار «پوپۋلياتسياسىنىڭ» وسىنداي ۇلكەن ءوسىمى قورشاۋداعى قالا ءۇشىن ناعىز اپاتقا اينالدى. ەگەۋقۇيرىقتار كوشەلەردە توپ- توبىمەن ءجۇرىپ، ازىق- تۇلىك قويمالارىنا شابۋىل جاساپ، جەۋگە كەلەتىن تاماقتىڭ ءبارىن تاۋىستى. بۇل كەمىرگىشتەر ءومىر سۇرۋگە بەيىم. ءتىپتى، اعاشتان باستاپ ءوز باۋىرلارىنا دەيىن جەي بەرەدى. ەگەۋقۇيرىقتار لەنينگرادتىقتاردىڭ ونسىز دا قورقىنىشتى ءومىرىن قيىنداتىپ، ناعىز «ۆەرماحتتىڭ وداقتاستارىنا» اينالدى.
بلوكادا اياقتالار ساتتە 1943 -جىلى ەگۋقۇيرىقتارمەن كۇرەسۋدىڭ العاشقى ارەكەتتەرى جاسالدى. الدىمەن ياروسلاۆل وبلىسىنان قالاعا مىسىقتار «وتريادى» اكەلىندى. ياروسلاۆلدان كەلگەن 4 ۆاگون مىسىق قالادا از ۋاقىتتىڭ ىشىندە- اق «ءتارتىپ ورناتتى» . مىسىقتاردىڭ ءبىرىنشى پارتياسى لەنينگرادتى ەگەۋقۇيرىقتار تاراتاتىن اۋرۋلار ەپيدەمياسىنان قۇتقاردى. سول ساتتەن باستاپ مىسىققا دەگەن كوزقاراس قالادا ەرەكشە بولدى. تۇرعىندار ءۇشىن ءار مىسىق باتىر بولىپ كورىنەتىن. سول ۋاقىتتاردا مىسىقتىڭ قۇنى دا اسپانداپ كەتتى.
بلوكادا تولىق اياقتالعاننان كەيىن دە ءسىبىردىڭ تۇكپىر- تۇكپىرىنەن: ومبىدان، تيۋمەننەن، يركۋتسكىدەن جانە ر س ف س ر- ءدىڭ باسقا شالعاي قالالارىنان 5000 مىسىق اكەلىندى. اتالعان ەلدى- مەكەندەردىڭ تۇرعىندارى لەنينگرادتىقتارعا جاناشىرلىق تانىتىپ، ءۇي جانۋارلارىن كومەك رەتىندە بەردى. مىسىقتاردىڭ «ءسىبىر وتريادى» ەگەۋقۇيرىقتاردى جەڭىپ، لەنينگراد كوشەلەرى ەگەۋقۇيرىقتاردان تولىعىمەن تازارتىلدى. سودان بەرى مىسىقتار بۇل قالادا قۇرمەت پەن سۇيىسپەنشىلىككە يە. سەبەبى، مىسىقتاردىڭ لەنينگرادتىڭ قالىپتى ومىرگە ورالۋىنا اجەپتاۋىر كومەگى تيگەن ەدى. 2000 -جىلى مالايا سادوۆاياداعى No8 عيماراتتىڭ مىسىقتىڭ ەسكەرتكىشى ورناتىلدى.
bairaq.kz