قازاقستان مەن اۋعانستان كاسىپكەرلەرى 190 ميلليون دوللارعا كەلىسىمشارت جاساستى
«اۋىل شارۋاشىلىعى ونىمدەرىن، ۇن مەن وسىمدىك مايىن جەتكىزۋگە بارلىعى 15 شارت، سونداي-اق مايلى داقىلداردى قايتا وڭدەۋشىلەردىڭ ۇلتتىق قاۋىمداستىعى (قازاقستان) مەن ماي ديلەرلەرىنىڭ بالح وداعى (اۋعانستان) اراسىندا ىنتىماقتاستىق تۋرالى مەموراندۋم جاسالدى»، - دەلىنگەن اتالعان فورۋمنان كەيىن تاراتىلعان مالىمەتتە.
اتاپ ايتقاندا، اۋعانستان - قازاقستاننىڭ وسىمدىك مايىن الىپ جۇرگەن ەڭ ءىرى يمپورتتاۋشىلاردىڭ بەستىگىنە كىرەدى.
بۇل تۇرعىدا بۇگىنگى فورۋم الاڭىندا قول جەتكىزىلگەن ۋاعدالاستىقتار وسى باعىتتاعى ساۋدا كولەمىن ارتتىرۋعا ىقپال ەتەدى.
قول قويىلعان قۇجاتتاردىڭ جالپى سانىنىڭ 9 ى ماي تاسىمالداۋ بويىنشا شارتتاردى قامتىپ تۇر.
بۇدان بۇرىن حابارلانعانداي، قازاقستان مەن اۋعانستان اراسىنداعى تاۋار اينالىمى 3 ميلليارد ا ق ش دوللارىنا جەتۋى مۇمكىن.
قازاقستان مەن اۋعانستان اراسىنداعى تاۋار اينالىمى 2022-جىلى ءىس جۇزىندە 1 ميلليارد ا ق ش دوللارى (987,9 ميلليون ا ق ش دوللار) بەلگىسىنە جەتىپ، 2021-جىلعى كورسەتكىشتەن ەكى ەسە ءوستى.
تاۋار اينالىمىنىڭ � قازاقستاندىق ەكسپورتقا، نەگىزىنەن وڭدەلگەن ونىمگە تيەسىلى.
ەلدەر اراسىنداعى ساۋدا بيىلعى 6 ايدا 343,6 ميلليون ا ق ش دوللارىن قۇرادى، ونىڭ ىشىندە قازاقستان ەكسپورتى 334,5 ميلليون دوللارعا جەتتى.