«وتكەن جىلى جەلتوقساندا «سارى ارقا» گاز قۇبىرىنىڭ قۇرىلىسىن باستاۋعا رۇقسات بەردىڭىز. بۇگىندە قۇرىلىستى قارجىلاندىرۋدىڭ ماسەلەلەرى شەشەلىپ، باس مەردىگەر انىقتالدى. جوبانى جۇزەگە اسىرۋ مەن گاز قۇبىرىن پايدالانۋ كەزەڭىندە 1900-گە جۋىق جاڭا جۇمىس ورنى قۇرىلادى»، - دەدى ە. دوسايەۆ.
بۇدان بۇرىن حابارلانعانداي، نۇرسۇلتان نازاربايەۆتىڭ قاتىسۋىمەن وتكەن يندۋستريالاندىرۋدىڭ ەكىنشى بەسجىلدىعى اياسىنداعى جالپى ۇلتتىق تەلەكوپىر بارىسىندا «سارى ارقا» گاز قۇبىرىنىڭ قۇرىلىسىنا باستاۋ بەرىلدى.
سونىمەن قاتار، جاقىندا ق ر ەنەرگەتيكا ءمينيسترى قانات بوزىمبايەۆ اتالمىش جوبا اياسىندا قۇبىر تارتۋ جۇمىستارى تۋرالى باياندادى.
ۇكىمەتتىڭ كەڭەيتىلگەن قۇرامداعى وتىرىسىندا پرەزيدەنت نۇرسۇلتان نازاربايەۆ ءوزىن- ءوزى جۇمىسپەن قامتىعاندار ماسەلەسىن شەشۋدەگى شارالاردى وڭ باعالادى.
ق ر پرەمەر- ءمينيسترىنىڭ ورىنباسارى ەربولات دوسايەۆ ءوزىن- ءوزى جۇمىسپەن قامتىعان 2,7 ميلليون ادامنىڭ اراسىندا 1,8 ميلليونىنىڭ مارتەبەسى وزەكتەندىرىلگەنىن ايتتى.
ونىڭ سوزىنە قاراعاندا، قالعان 900 مىڭ ادامدار بويىنشا ءتيىستى جۇمىستار جالعاسۋدا جانە وسى باعىتتاعى شارالار بيىلعى جىل سوڭىنا دەيىن اياقتالادى.
«كوردىڭىزدەر مە، بۇل پروبلەمانى شەشۋگە بولادى. كوپ جىلداردان بەرى ءوزىن- ءوزى جۇمىسپەن قامتىعاندار ماسەلەسى ايتىلىپ كەلگەن ەدى. ەندى بۇل جۇمىسپەن تىڭعىلىقتى اينالىسقاننان كەيىن، ماسەلەگە قاتىستى لايىقتى شەشىم شىعارۋعا بولادى»، - دەدى ن. نازاربايەۆ ۇكىمەت باسشىسىنىڭ ورىنباسارى ە. دوسايەۆقا قاراتا ايتقان سوزىندە.