الەمنىڭ 190 ەلىندە جاڭا 10 ۋنديۋس وپەراتسيالىق جۇيەسى ىسكە قوسىلدى

استانا. قازاقپارات - الەمنىڭ 190 ەلىندە Microsoft كورپوراتسياسىنىڭ جاڭا Windows 10 وپەراتسيالىق جۇيەسى (و ج) ىسكە قوسىلدى.

ليتسەنزيالى Windows 7 جانە Windows 8/8.1. و ج پايدالانۋشىلارى جاڭا نۇسقانى تەگىن جاڭالاپ جۇكتەي (وبنوۆلەنيە) الادى. ال، 2016-جىلدىڭ تامىزىنان باستاپ ول اقىلى بولادى.

Microsoft- ءتىڭ بولجامى بويىنشا، 3 جىلدان كەيىن ءبىر ميللياردتان استام قولدانۋشى وسى نۇسقاعا كوشەتىن بولادى.

ازىرشە جاڭا و ج كومپيۋتەرلەر مەن پلانشەتتەرگە عانا جۇكتەلەدى. ال جىل سوڭىنا قاراي ول باسقا قۇرىلعىلارعا دا قولجەتىمدى بولادى.

ءبىر ايتا كەتەرلىگى، Windows 10 الدىڭعى نۇسقالارىنان تۇبەگەيلى وزگەشە. ماسەلەن، وسىعان دەيىن و ج قۇرامىنا Internet Explorer كىرسە، بۇدان بىلاي ونىڭ ورنىنا Microsoft Edge براۋزەرى قولدانىلادى. ودان بولەك 10- نۇسقا ءموبيلدى تەلەفون، پلانشەت، كومپيۋتەر سىندى ءتۇرلى قۇرىلعىلارعا جۇكتەلە بەرەتىن امبەباپ قاسيەتكە يە بولادى.