بۇل تۋرالى ەلوردانىڭ قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ايتىپ بەردى، دەپ حابارلايدى قازاقپارات ءتىلشىسى.
قازىرگى ۋاقىتتا ەلوردادا ۆيرۋس جۇقتىرعاندار سانى 264 ادامعا جەتتى. سوڭعى ەكى كۇندە - 12-13-ءساۋىر كۇندەرى 29 جاعداي تىركەلدى.
«19 جاعداي - وكپەنىڭ ەكىجاقتى قابىنۋى، تىنىس الۋ قيىندىعى بويىنشا بىرنەشە كۇننەن بەرى ستاتسيوناردا جاتقان ناۋقاستاردان تابىلدى. ولاردىڭ العاشقى سىناماسىندا كوروناۆيرۋس ينفەكتسياسى تابىلماعان ەدى»، - دەپ اتاپ ءوتتى باسقارما باسشىسى «حابار 24» تەلەارناسىنداعى بريفينگتە. ءبىراق، ك ۆ ي دياگنوستيكالاۋ مەن ەمدەۋ حاتتاماسىندا اۋرۋ بەلگىلەرى (رەنتگەنوگراممادا نەمەسە كومپيۋتەرلىك توموگرافيادا وكپەنىڭ ەكىجاقتى وزگەرىسكە ۇشىراۋى) بايقالعان ادامداردان قايتا سىناما الۋ ۇسىنىلعان.
«وسىلايشا، دارىگەرلەر قايتا سىناما العان 19 ناۋقاستان ينفەكسيا تابىلدى. بۇل ءادىس ارقىلى كوروناۆيرۋس ينفەكسياسىن دياگنوستيكالاۋ مەن ەمدەۋ ءتيىمدى بولادى. تاعى 7 وقيعا - ناۋقاستارمەن بايلانىستا بولعاندار، وتباسى مۇشەلەرى نەمەسە بىرگە جۇمىس ىستەگەندەر اراسىنان تابىلدى. ولار بۇعان دەيىن وقشاۋلانىپ، تەكسەرۋدەن وتكەن جانە ينفەكتسيا راستالعاندىقتان، اۋرۋحاناعا جاتقىزىلدى. ال 3 وقيعا - كوروناۆيرۋس ينفەكسياسى بويىنشا جۇرگىزىلگەن مونيتورينگ بارىسىندا تابىلدى»، - دەدى ساۋلە قيسىقوۆا.
بۇعان دەيىن باسقارما باسشىسى نۇر-سۇلتاندا كوروناۆيرۋس ينفەكسياسىنان قايتىس بولعان ادام تۋرالى ايتىپ بەرگەن ەدى.
اۆتور: ايجان سەرىكجان قىزى