سال ايەل سيفرلىق اۆاتاردىڭ ارقاسىندا 18 جىلدان كەيىن سويلەدى
ەنن سال اۋرۋىنا شالدىققان ادامداردىڭ ميىنىڭ نەيروندىق بەلسەندىلىگىن ماتىنگە نەمەسە دىبىسقا اۋىستىرا الاتىن ەكسپەريمەنتتىك تەحنولوگيانىڭ ارقاسىندا سيفرلىق اۆاتار ارقىلى ينسۋلت العاننان كەيىن 18 جىل وتكەندە سويلەدى، دەپ حابارلايدى قازاقپارات NBC News اگەنتتىگىنە سىلتەمە جاساپ.
سان-فرانتسيسكوداعى كاليفورنيا ۋنيۆەرسيتەتى مەن بەركليدەگى كاليفورنيا ۋنيۆەرسيتەتىنىڭ زەرتتەۋشىلەرى ازىرلەگەن تەحنولوگيا ەنننىڭ ميىنىڭ سويلەۋى مەن ءتىلىن قالىپتاستىرۋعا جاۋاپ بەرەتىن بەتكى قاباتىنا ورناتىلعان يمپلانتتى قولدانۋعا نەگىزدەلگەن.
وتكەن جىلى وعان 253 ەلەكترودتان تۇراتىن يمپلانتات ورناتىلدى. وعان مي ادەتتە جۇزدەگەن مىڭ نەيرونداردان الاتىن جانە جاق، ەرىن جانە ءتىل جانە بەت بۇلشىقەتتەرىنە جىبەرەتىن سيگنالدار بەرىلەدى.
وپەراتسيا كەزىندە دارىگەرلەر باسىنا كابەلگە قوسىلاتىن پورت ورناتتى، ول ارقىلى مي سيگنالدارى كومپيۋتەردىڭ دەرەكتەر بانكىنە جىبەرىلەدى.
كومپيۋتەرلەر مي سيگنالدارىن سيفرلىق انيماتسيا ارقىلى ايتىلاتىن سويلەمدەرگە اۋدارۋ ءۇشىن جاساندى ينتەللەكت الگوريتمدەرىن قولدانادى.
سوندىقتان ەنن دجونسون «ءسىزدى قايتا كورگەنىمە قۋانىشتىمىن» دەگەن ءسوزدى ايتۋعا تىرىسقاندا، سيفرلىق اۆاتار بۇل سوزدەردى داۋىستاپ ايتادى.
جۇيە ەننگە سالىستىرمالى تۇردە باي سانالاتىن سوزدىك قوردى پايدالانا وتىرىپ سويلەسۋگە مۇمكىندىك بەردى.
زەرتتەۋشىلەر اۆاتاردى داۋىسپەن سويلەۋگە ۇيرەتۋ ءۇشىن ەنننىڭ ۇيلەنۋ تويىنداعى سويلەۋ جازباسىن پايدالاندى.
ەكسپەريمەنتتىڭ ناتيجەلەرى سارسەنبىدە Nature جۋرنالىندا جارىق كوردى.
دوكتور ەدۆارد چان (Dr. Edward Chang) ەنن دجونسون وپەراتسياسىن جۇرگىزگەن زەرتتەۋ اۆتورى، ونىڭ اۆاتار ارقىلى قالاي بايلانىسىپ جاتقانىن كورگەندە «قاتتى قوبالجىعانىن» ايتتى.
ناتيجەسىندە اۆاتار ەنننىڭ سوزدەرىن مينۋتىنا 80 سوزبەن قايتالاي الدى.
سويلەۋدىڭ تابيعي جىلدامدىعى مينۋتىنا 150 دەن 200 سوزگە دەيىن جەتەدى. 1024 سوزدەن تۇراتىن ەنن سوزدىك قورىن پايدالانعان كەزدە سويلەۋدىڭ ورتاشا دالدىگى شامامەن u قۇرادى.